ඔස්ටේ්‍රලියාව තුළ සති ගණනක් පුරා ඉහළ අගයක පැවති එළවලු සහ පළතුරු මිළ නැවතත් පහළ යාම ආරම්භ වී තිබෙනවා.
වෙළඳපොළ වාර්තා පෙන්වා දෙන්නේ කාලගුණය යහපත්වීමත් සමග සැපයුම් ප්‍රමාණවත් පරිදි ලැබීම ඊට හේතුව බවයි.
විශේෂයෙන් පසුගිය කාලසීමාව තුළ අධික මිළ ගණන් යටතේ අලෙවි කෙරුණු මිළ ගණන් කැපී පෙනෙන ලෙස පහළයාම විශේෂත්වයක්.
කෙසේවෙතත් තක්කාලි සහ බෝංචි වැනි එළවලු මිළ ගණන් තවමත් පවතින්නේ පෙර පැවති අධික මිළ ගණන් යටතේමයි.
ඉදිරි සති කිහිපය තුළද යහපත් කාළගුණයක් පැවතියහොත් නත්තල් සමය දක්වාම එළවලු සහ පළතුරු මිළ ගණන් අඩු මට්ටමක පවත්වාගෙන යා හැකි බවටයි සුපිරි වෙළඳසැල් ජාල අනාවැකි පළකරන්නේ.
