අගමැති ඇන්තනී ඇල්බනීස් විසින් ඔස්ටේ්‍රලියානු ආරක්ෂක අංශවල පූර්ණ විමසා බැලීමක් සිදුකිරීමට තීරණය කර තිබෙනවා.
ඉදිරි වසර 10 සහ ඉන් ඔබ්බට ඔස්ටේ්‍රලියාවේ ජාතික ආරක්ෂාව වඩාත් තහවුරු කිරිමේ අරමුණ ඇතිව මෙම පියවර ගන්නා බවයි අගමැතිවරයා සඳහන් කලේ.
රට තුළ මෙන්ම ජාත්‍යන්තර වශයෙන් ජාතික ආරක්ෂාවට එල්ල විය හැකි තර්ජන හඳුනාගෙන නිසි පිළියම් යෙදීමේ අරමුණ ඇතිවයි අගමැති ඇල්බනිස් විසින් මෙම ආරක්ෂක විමසුම සිදුකිරීමට තීරණය කර ඇත්තේ.
හිටපු ආරක්ෂක ප්‍රධානියෙකු සහ හිටපු ආරක්ෂක අමාත්‍යවරයෙකු විසින් මෙහි මූලිකත්වය දරනු ලබනවා.
එහි පළමු වාර්තාව ලබන වසරේ මැද භාගයේදී ලැබීමට නියමිතව තිබෙනවා.
චීනයෙන් කලාපීය ආරක්සාවට එල්ලවිය හැකි තර්ජන වළක්වාගැනීමද මෙහි ප්‍රධාන අරමුණක් වනු ඇති.
