LGBT පුද්ගලයන්ට වෙනස්කම් කරන නීති ඉවත් කරන ලෙස ශ්‍රී ලංකා හිටපු ක්‍රිකට් නායක මහේල ජයවර්ධන රජයෙන් ඉල්ලා සිටිනවා.
මහේල ජයවර්ධන කියා සිටින්නේ, ශ්‍රී ලංකාවේ LGBT පුද්ගලයන් මුහුණ දෙන වෙනස්කම්, පීඩනයන් පිළිබඳ තමා කනගාටුවට පත් වන බව යි.
නීති වෙනස් කිරීම අත්‍යවශ්‍ය වන තරමට ම අධ්‍යාපනයේ ප්‍රතිසංස්කරණ හරහා මානසිකත්වය වෙනස් කිරීම ද වැදගත් බව මහේල ජයවර්ධන පවසනවා.
මේ අතර, ක්‍රිකට් සහ ක්‍රීඩාව පිළිබඳ අදහස් දක්වමින් ඔහු ප්‍රකාශ කරන්නේ,
ලිංගික නැඹුරුව හෝ ස්ත්‍රී පුරුෂ භාවය නො සලකා ඕනෑ ම පුද්ගලයෙකුට ඕනෑ ම ක්‍රීඩාවක් සඳහා ශ්‍රී ලංකාව නියෝජනය කිරීමට හැකි විය යුතු බව යි.
