ජනාධිපති රනිල් වික්‍රමසිංහ ගේ රජයේ නව අමාත්‍ය මණ්ඩලය අද දිවුරුම්දීමට නියමිතව තිබෙනවා.
පෙරවරු 09 ට කොළඹ 07 මල් පාරේ පිහිටි අග්‍රාමාත්‍ය කාර්යාලයේදී එය ආරම්භ වනු ඇති.
නව රජයේ අග්‍රමාත්‍යවරයා ලෙස සභානායක දිනේෂ් ගුණවර්ධන පළමුවෙන් දිවුරුම්දීමට නියමිත බව දේශපාලන ආරංචි මාර්ග සඳහන් කලා.
ජනාධිපති රනිල් වික්‍රමසිංහ ඉදිරියේ දිනේෂ් ගුණවර්ධන අග්‍රාමාත්‍ය ධුරයෙහි දිවුරුම් දෙනු ඇති.
අනතුරුව නව රජයේ අමාත්‍යවරුන් ජනාධිපතිවරයා ඉදිරියේ දිවුරුම්දීමට නියමිතව තිබෙනවා.
පසුගිය බදාදා පාර්ලිමේන්තුවේදී පැවති ජනාධිපතිවරයා තේරීමේ ඡන්ද විමසීමේදී රනිල් වික්‍රමසිංහ ට සහය පළකල විපක්ෂ මන්ත්‍රීවරුන් පිරිසකටද අද ඇමති ධුර හිමිවනු ඇති බවටයි වාර්තා පළවන්නේ.
