බ්‍රිස්බන් සිට සිඩ්නි දක්වා ගමන් ගැනීමට නියමිත වූ මගී ප්‍රවාහන නෞකාවක 100 කට වැඩි පිරිසකට කොවිඩ් ආසාධනය වී තිබෙනවා.
කොරල් ප්‍රින්සස් නම් නෞකාවේ කාර්ය මණ්ඩලයේ පිරිසක් සහ මගීන් කිහිප දෙනෙකු මෙලෙස කොවිඩ් ආසාධිතයන් ලෙස හඳුනාගෙන ඇති බව සඳහන්.
නෞකා සමාගම විසින් මුදල් ආපසු ගෙවා ඇති නමුත් මගීන් සැළකිය යුතු පිරිසක් තවමත් නෞකාව තුළ සිටින බව සඳහන්.
මෙම කොරල් ප්‍රින්සස් නෞකාව අයත් සමාගම විසින් හිමිකාරීත්වය දරන රූබි ප්‍රින්සස් නෞකාවේ 2020 වසරේදී කොවිඩ් රැල්ලක් පැතිරගිය අතර එහිදී මගීන් 28 දෙනෙකු මරණයට පත්වුණා.
මේ අතර වික්ටෝරියා ප්‍රාන්තයේ මුහුණු ආවරණ භාවිතය අනිවාර්ය කිරීමට කිසිදු තීරණයක් ගෙන නොමැති බව ප්‍රාන්ත රජය අද නිවේදනය කලා.
