මේ වනවිට ශ්‍රී ලංකාවේ ආර්ථිකය මරණ මංචකයක් අභියස සිටින බව අමරිකානු ආර්ථික විද්‍යාඥ ස්ටීව් හැන්කේ (Steve Hanke) පවසනවා.
සිය නිල ට්විටර් ගිණුමේ සටහනක් තබමින් ඔහු පෙන්වා දෙන්නේ මේ වනවිට ශ්‍රී ලංකාවේ උද්ධමනය 117 %ක් දක්වා ඉහල ගොස් ඇති බවයි.
ජාත්‍යන්තර මූල්‍ය අරමුදල පවා ශ්‍රී ලංකාවට ඇපදීමේ ණය ක්‍රමවේදය ප්‍රතික්ෂේප කර ඇති අතර, අයි.එම්.එෆ්. විසින් ශ්‍රී ලංකාවේ ආර්ථිකය සවිමත් කරගැනීමට වැඩසටහන් 16ක් සම්පාදනය කර දී තිබූ බව ද හෙතෙම පවසනවා.
එහෙත් ශ්‍රී ලංකා බලධාරින් කිසිවෙකු එම වැඩසටහන් ක්‍රියාත්මක කර නොමැති බවයි ආර්ථික විද්‍යාඥවරයා කියා සිටින්නේ.
එමෙන්ම ජුනි මාසයේ දින 30ක කාලය තුළ වැඩිම උද්ධමනයක් වාර්තා වී ඇති සිම්බාබ්වේ රාජ්‍යයට පසුව අවම මට්ටමක දියුණුවක් ඇති වැඩිම උද්ධමන වේගයක් ඇති රාජ්‍යය ලෙස ශ්‍රී ලංකාව සටහනේ පෙරමුණට පැමිණ තිබෙනවා.
ඒ උද්ධමනය සියයට 117ක් ලෙස සටහන් කරමින්. තුන්වැනි තැන හිමිව ඇත්තේ තුර්කියටයි.
https://twitter.com/steve_hanke/status/1543690541942145024?s=20&t=L88z1Du6-M6uZadtQgK0zw
