රුසියානු විදේශ අමාත්‍යංශය විසින් තවත් ඔස්ටේ්‍රලියානුවන් 121 දෙනෙකුට එරෙහිව සම්බාධක පණවා තිබෙනවා.
මාධ්‍යවේදීන් සහ ආරක්ෂක ප්‍රධානීන් ද මේ අතර වනවා.
ඔස්ටේ්‍රලියාවේ ධනවත්ම කාන්තාව ලෙස සැළකෙන පතල් කර්මාන්ත හිමිකාරිනී ගිනා රයින්හාර්ට් – දකුණු ඔස්ටේ්‍රලියා ප්‍රාන්ත අගමැතිවරයා ද සම්බාධක පණවන ලද පිරිසට අයත්.
ABC News, Sydney Morning Herald, Nine සහ Sky News යන මාධ්‍ය ආයතනවල මාධ්‍යවේදීන්ද මෙලෙස රුසියානු සම්බාධක පණවන ලද පිරිස අතර වනවා.
යුක්රේනය ආක්‍රමණය කිරීමත් සමග ඔස්ටේ්‍රලියාව විසින් රුසියානු රජයේ ඉහළම නිළධාරීන්ට සම්බාධක පනවා වත්කම් තහණම් කරනු ලැබුවේ පසුගිය පෙබරවාරි මාසයෙදිීයි.
