ඔස්ටේ්‍රලියාව පුරා හදිසි සත්කාර සායන 50 ක අත්හදා බැලීමේ නියමු ව්‍යාපෘතියක් හඳුන්වාදෙන බව විපක්ෂ නායක ඇන්තනී ඇල්බනීස් පවසනවා.
මෙල්බන් නුවරදී ඔහු නිවේදනය කලේ Medicare Urgent Care Clinics ලෙසින් එම සායන හඳුන්වන බවයි.
කාර්යබහුල රෝහල්වල හදිසි ප්‍රතිකාර අංශ සඳහා විකල්පයක් ලෙසයි කම්කරු පක්ෂය මෙම යෝජනාව ඉදිරිපත් කර ඇත්තේ.
අස්ථි බිඳීම්, සුළු පිළිස්සුම් සහ කැපුම් සඳහා මැහුම් ඇතුලු හදිසි වෛද්‍ය ප්‍රතිකාර අවශ්‍ය රෝගීන්ට මෙම සායනවලදී ප්‍රතිකාර කෙරෙනු ඇති.
වසර හතරක් තුළ ඩොලර් මිලියන 135 කට වැඩි මුදලක් මේ සඳහා වැය කිරීමට නියමිතයි.
පවුල්වලට අවශ්‍ය සෞඛ්‍ය රැකවරණය කඩිනමින් ලබා ගැනීමට මේ මගින් හැකි වනු ඇති බවයි කම්කරු පක්ෂය සඳහන් කරන්නේ.
