වික්ටෝරියා ප්‍රාන්තයේ අත්‍යවශ්‍ය නොවන සැත්කම්වලින් කොටසක් ලබන සඳුදා සිට නැවත ආරම්භ කිරීමට තීරණය කර තිබෙනවා.
ප්‍රාන්ත සෞඛ්‍ය අමාත්‍ය මාර්ටින් ෆොලී පැවසුවේ තවත් ඩොලර් බිලියන 1.4 ක අමතර මුදලක් ප්‍රාන්ත සෞඛ්‍ය පද්ධතියට ලබාදීමට තීරණය කල බවයි.
මේ අනුව ලබන 07 වනදා සිට සියයට 50 ක ධාරිතාවයක් යටතේ වික්ටෝරියා ප්‍රාන්තයේ පුද්ගලික රෝහල්වල ද අත්‍යවශ්‍ය නොවන සැත්කම් යළිත් ආරම්භ කල හැකියි.
තවත් සතියකින් එම ධාරිතාවයද ඉහළ නැංවීම සැළසුම බව ඔහු ප්‍රකාශ කලා.
මෙම ඩොලර් බිලියන 1.4 න් මිලියන 938 ක් ම වෙන් කර ඇත්තේ පොදු රෝහල් සඳහායි.
තවත් මිලියන 225 ක් හදිසි සේවා දෙපාර්තමේන්තු සඳහාද ඩොලර් මිලියන 191 ක් සෞඛ්‍යාරක්ෂිත ඇගලුම් මිළදී ගැනීමටත් වෙන් කර තිබෙනවා.
