වික්ටෝරියා ප්‍රාන්තයේ ඕනෑම අයෙකුට ෆයිසර් හෝ මොඩර්නා එන්නත ලබාගැනීමට අද සිට අවස්ථාව පවතිනවා.
මේ දක්වා වයස අවුරුදු 60 ට වැඩි අයට ඇස්ට්‍රා-සෙනෙකා එන්නත පමණයි අනුමත කර තිබුණේ.
කෙසේවෙතත් ෆයිසර් හා මොඩර්නා එන්නත් ප්‍රමාණවත් පරිදි ලැබීමත් සමග ඕනෑම අයෙකුට ඒවා ලබාගැනීමට අවස්ථාව සළසාදීමට තීරණය කල බව වික්ටෝරියා සෞඛ්‍ය ඇමති Martin Foley සඳහන් කලේය.
රජය විසින් පවත්වාගෙන යන එන්නත්කරණ මධ්‍යස්ථාන තුළදී මෙම එන්නත් ලබාගැනීමට හැකියාව පවතිනවා.
ගතවූ පැය 24 තුළ සිදුකළ කොරෝනා පරීක්ෂණ හරහා වික්ටෝරියානු ප්‍රාන්තයේ ප්‍රජාව අතරින් ආසාදිතයින් 1,612 ක් හමුව ඇත.
මරණ 8ක් ද වාර්තා විය.
මේ අනුව මේ වන විට වික්ටෝරියා ප්‍රාන්තයේ සිටින සක්‍රිය කොරෝනා ආසාදිතයින් සංඛ්‍යාව 19,012 කි.
