StarTrack බෙදාහැරීම් රියදුරන් දහස් සංඛ්‍යාත පිරිසක් පැය 24 ක වර්ජනයක් ආරම්භ කර තිබේ.
සිය සේවා සුරක්ෂිතතාව තහවුරු කරන ලෙස ඉල්ලා 2000 ක් පමණ ඊට එක්ව සිටින බවයි වාර්තා වන්නේ.
මෙම වර්ජනය හමුවේ එන්නත් බෙදා හැරීම් කටයුතුවලටද බාධා මතුවී තිබෙනවා.
ඊයේ රාත්‍රී පැවති කරුණු විමසීමකින් පසුව Fair Work Commission විසින් මෙම වර්ජනයට අවසර දුන්නේය.
අන්තර්ජාලය ඔස්සේ භාණ්ඩ මිළදී ගත් ජනතාවට දිගු ප්‍රමාදයන්ට මුහුණදීමට සිදුවනු ඇති බවටද අනතුරු ඇගවේ.
StarTrack යනු Australia Post ට අනුබද්ධ සේවාවකි.
Australia Post විසින් ඩොලර් බිලියන 8.27 ක ආදායමක් වාර්තා කර ඇතත් සිය රැකියා අනාරක්ෂිත බවයි සේවකයන් පවසන්නේ.
PIC – 09NEWS
