මෙල්බර්න් CBD කලාපයට ඉහළින් හෙලිකොප්ටර් යානා මගින් ගුවන් දර්ශන ලබාගැනීමේදී මාධ්‍ය ආයතන වෙත බලපැවැත්වෙන පරිදි නව නියමයන් කිහිපයක් පණවා තිබේ.
ඒ අනුව හෙලිකොප්ටර් යානා පියාසර කරවීමට පොලිසියෙන් පූර්ව අනුමැතිය ලබාගත යුතුයි.
එමෙන්ම ලබා ගන්නා දර්ශන විකාශය කල හැකි වනුයේ පැයක ප්‍රමාදයකින් පසුවයි.
සිවිල් ගුවන් සේවා අධිකාරිය සඳහන් කලේ උත්සන්න වන විරෝධතා පාලනය කිරීමේ අරමුණින් පොලිසියට පමණක් හෙලිකොප්ටර් යානා භාවිත කිරීමට අවසර දුන් බවයි.
නව රෙගුලාසි අනුව නාවික සැතපුම් 03 ක අරය යටතේ හෙලිකොප්ටර් යානා පියාසර කරවීමට හෝ අඩි 2500 කට පහතින් පියාසර කරවීම තහණම් වනවා.
මෙහි අරමුණ වන්නේ විරෝධතාකරුවන්ට සජීවී දර්ශන උපයෝගී කරගනිමින් පොලිස් මෙහෙයුම්වලින් ගැලවී යාමට ඇති ඉඩ අහුරාලීමයි.
කෙසේවෙතත් මෙම නියෝග සම්බන්ධයෙන් ජනමාධ්‍ය සංවිධාන දැඩි විරෝධය පළකරනවා.
Pic – 9News
