එළඹෙන නත්තල් සමය වනවිට රටේ සියලුම ප්‍රාන්ත සීමා විවෘත කිරීමට හැකි වන පරිදි එන්නත්කරණ ඉලක්ක සපුරා ගන්නා ලෙස අගමැති ස්කොට් මොරිසන් සියලුම ප්‍රාන්ත අගමැතිවරුන්ට දැනුම් දී තිබේ.
ඒ අනුව වයස අවුරුදු 80 ට වැඩි පුද්ගලයන්ට එන්නත් මාත්‍රා 02 ම ලබාදීම වේගවත් කිරීමට නියමිතයි.
එන්නත්කරණය කඩිනම් කිරීම සඳහා විවිධ ප්‍රසාද දීමනා වැනි දෑ ලබාදීම සුදුසු බවයි අගමැති මොරිසන් සඳහන් කලේ.
සියලු ප්‍රාන්ත සීමා විවෘත කිරීමෙන් පසු රටේ දේශ සීමා විවෘත කල හැකි වනු ඇතැයිද ඔහු කියාසිටියා.
අගමැතිවරයා මේ බව පැවසුවේ බටහිර ඔස්ටේ‍රලියා ප්‍රාන්ත අගමැති Mark McGowan කර තිබූ ප්‍රකාශයකට පිළිතුරු දෙමිනුයි.
Mark McGowan පවසා තිබුණේ දිනෙන් දින නිවු සවුත් වේල්ස් ආසාධිතයන් ඉහළ යාම හමුවේ එම ප්‍රාන්තය සමග අනෙක් ප්‍රාන්ත සීමා විවෘත කිරීමේ අවධානමක් පවතින බවයි.
එබැවින් අගමැති මොරිසන් ගේ යෝජනාව ක්‍රියාත්මක කිරීමට අපහසු බවද බටහිර ඔස්ටේ‍රලියා ප්‍රාන්ත අගමැතිවරයා සඳහන් කර තිබිණ.
