කැන්බරා හි Lockdown තත්වය සැප්තැම්බර් 02 දක්වා දීර්ඝ කරයි

ගතවූ පැය 24 තුළ කැන්බරා නගරය අයත් ACT ප්‍රාන්තයෙන් කොවිඩ් ආසාධිතයන් 17 දෙනෙකු වාර්තා වී තිබේ.

ඒ ඊයේ දිනය තුළ සිදුකල පරීක්ෂණ 7300 කට ආසන්න සංඛ්‍යාවකිනි.

මේ අනුව දැනට කැන්බරා නගරයේ සිටින සක්‍රීය ආසාධිතයන් ගණන 45 කි.

කෙසේවෙතත් ඔවුන් කිසිවෙකුත් රෝහල්වල ප්‍රතිකාර නොලබන අතර සියලු දෙනා නිවාසවල ප්‍රතිකාර ලබමින් සිටී.

මේ අතර අනිද්දා දිනයෙන් අවසන්වීමට නියමිත වූ ACT හි Lockdown තත්වය ද ලබන සැප්තැම්බර් 02 වනදා දක්වා දීර්ඝ කර ඇත.