ඩ්රෝන යානා මගින් විවිධ තහණම් ද්රව්ය බන්ධනාගාර තුළට රැගෙන ඒම වළක්වාලීම සඳහා වික්ටෝරියා ප්රාන්තයේ සියලු බන්ධනාගාර වෙත නවීන තාක්ෂණික උපාංග සවිකර තිබේ.
මේ සඳහා වැය කර ඇති මුදල ඩොලර් 425,000 කට අධිකය.
කොවිඩ් වසංගත තත්වය ආරම්භයත් සමග බන්ධනාගාරවල සිටින රැඳවියන් බැලීම අමුත්තන්ට තහනම් කිරීමටයි වික්ටෝරියා ප්රාන්ත බළධාරීන් කටයුතු කලේ.
ඒ අනුව ඩ්රෝන මගින් විවිධ ද්රව්ය රැඳවියන්ට ලබාදීම ඉහළ ගොස් ඇති බවද වාර්තා වනවා.
මීට පිළියමක් ලෙසයි ප්රාන්තයේ සියලු බන්ධනාගාරවලට නවීන තාක්ෂණික මෙවලම් සවි කිරීමට පියවර ගෙන ඇත්තේ.
කිලෝමීටර් 50 ක් දුරක සිට ඩ්රෝන හඳුනාගැනීමට මෙම අධි සංවේදි ඇන්ටනා සතුව හැකියාව පවතිනවා.
ඊට අමතරව ඩ්රෝන ක්රියාකරු සිටින ස්ථානය නිවැරදිව හඳුනාගැනීමටද ඊට හැකිවීම විශේෂත්වයක්.
2019 දී ඩ්රෝන අවභාවිත සිදුවීම් 19 ක් වාර්තා වූ අතර එය 2020 දී සිදුවීම් 177 ක් දක්වා ඉහළ ගොස් තිබුණා.
pic – 9News