Day: September 1, 2021

මිටියකින් පහරදී සිය නැන්දණිය ඝාතනය කල මෙල්බර්න් පදිංචි 26 හැවිරිදි කාන්තාවකට වසර 18 ක සිර දඩුවම් නියම කර තිබේ. Karen Leek නම් 69 හැවිරිදි තැනැත්තිය ඝාතනය කර තිබුණේ පසුගිය වසරේ මැයි මාසයේදීයි. ඇය ජනප්‍රිය වී සිටියේ Greyhound වර්ගයේ සුනඛයන් පුරුදු කරන්නියක ලෙසයි. Jessie Caitlyn Mooreනම් සැකකාරිය අධික ලෙස මත්ද්‍රව්‍ය භාවිතයට ඇබ්බැහි වී සිටි බවද අධිකරණයේදී අනාවරණය විය. ඇයට පොදු සමාවක් ලැබීමට නම් අවම වශයෙන් වසර 13 ක සිර දඩුවම් විඳිය යුතුය.   Pic : Greyhound Racing

අඛණ්ඩව 05 වන දිනයටත් නිවු සවුත් වේල්ස් ප්‍රාන්තයේ දෛනික කොවිඩ් ආසාධිතයන් ගණන 1000 ඉක්මවා ගොස් තිබේ. ඊයේ දිනයේදී වාර්තා වී ඇති ආසාධිතයන් ගණන 1118 කි. දැනට 917 දෙනෙකු රෝහල්ගතව ප්‍රතිකාර ලබන අතර ඉන් 150 දෙනෙකුම දැඩි සත්කාර ඒකකවල (ICU) ප්‍රතිකාර ලබමින් සිටී. නිවු සවුත් වේල්ස් ප්‍රාන්තයෙන් මේ දක්වා සටහන්වී ඇති කොවිඩ් මරණ ගණන 156 කි. ඊයේ දිනයේදී මරණ 04 ක් වාර්තා විය.   https://twitter.com/NSWHealth/status/1432871262682976260?s=20

නත්තල් සමය වනවිට ප්‍රාන්ත සීමා විවෘත කරන්නේද නැතිද යන තීන්දුව ප්‍රාන්ත අගමැතිවරුන්ට පැවරෙන බව අගමැති ස්කොට් මොරිසන් පවසයි. පසුගියදා අගමැතිවරයා කියාසිටියේ දෙසැම්බර් වනවිට සියලු ප්‍රාන්ත සීමා විවෘත කල යුතු බවයි. එහෙත් එම කාලය වනවිට ඇතැම් ප්‍රාන්තවලට සියයට 70-80 ක එන්නත්කණ ඉලක්කය ජය ගත නොහැකි බවටයි දැනට අනාවැකි පළවන්නේ. මේ සම්බන්ධයෙන් ප්‍රාන්ත අගමැතිවරුන් අතරද පවතින්නේ දැඩි මතභේදාත්මක තත්වයක්. බටහිර ඔස්ටේ්‍රලියා ප්‍රාන්ත අගමැති Mark McGowan ද එහිදී සිටින්නේ දැඩි ස්ථාවරයකයි. ඒ අනුව අගමැති මොරිසන් සිය ස්ථාවරය වෙනස්

ගතවූ පැය 24 තුළ සිදුකළ කොරෝනා පරීක්ෂණ හරහා වික්ටෝරියානු ප්‍රාන්තයේ ප්‍රජාව අතරින් ආසාදිතයින් 120 ක් හමුව ඇත. මේ අනුව මේ වන විට වික්ටෝරියා ප්‍රාන්තයේ සිටින සක්‍රිය කොරෝනා ආසාදිතයින් සංඛ්‍යාව 900 කි. ඊයේ දිනයේදී (31) වික්ටෝරියා ප්‍රාන්තය තුළ කොරෝනා පරීක්ෂණ 56,501 ක් සිදුකර ඇති අතර කොරෝනා එන්නත් මාත්‍රා 33,455 ක් ලබා දී තිබේ. https://twitter.com/VicGovDH/status/1432845500521218053?s=20

මෙම වසර තුළදී වික්ටෝරියා ප්‍රාන්තයෙන් සටහන්වූ පළමු කොවිඩ් මරණ ඊයේ රාත්‍රියේ වාර්තා විය. අවුරුදු 60 ක සහ 40 කාන්තාවන් දෙදෙනෙකු එලෙස මිය ගිය බව සෞඛ්‍ය අංශ පැවසීය. 60 හැවිරිදි කාන්තාව Hume ප්‍රදේශයේ පදිංචිකාරිනියක වන අතර 40 හැවිරිදි කාන්තාව Darebin ප්‍රදේශයේ පදිංචිකාරිනියකි. ඔවුන් රෝහල්ගතව සිටියේද හෝ එන්නත් ලබාගෙන තිබුණේද යන්න මේ දක්වා අවිනිශ්චිතය. පසුගිය වසරේදී කොවිඩ් ආසාධිතව වික්ටෝරියා ප්‍රාන්තයෙන් වාර්තාවූ මරණ ගණන 820 කි.