Day: August 25, 2021

කොවිඩ් ආසාධිතව ඔස්ටේ්‍රලියාවේදී මියගිය වයසින් අඩුම කාන්තාව බවට සිඩ්නි නුවර පදිංචි 30 හැවිරිදි තිදරු මවක පත්වී තිබේ. Ianeta Isaako නම් ඇය සිඩ්නි නුවර ප්‍රදේශයේ පිහිටි සිය නිවසේදී ඊයේ පස්වරුවේ මියගොස් තිබේ. ඇයගේ සැමියා ද මේ වනවිට කොවිඩ් ආසාධිතව රෝහල්ගතව ප්‍රතිකාර ලබමින් සිටී. මියගිය කාන්තාවට වෙනත් රෝගාබාධ තිබුණේ දැයි සොයා මේ වනවිට පශ්චාත් මරණ පරීක්ෂණයක්ද ආරම්භ වී තිබේ. නිව් සවුත් වේල්ස් ප්‍රාන්තයේ මේ වන විට කොවිඩ් ආසාදිතයින් 113 ක් දැඩි සත්කාර ඒකකවල සිටින බවත් 98 ක්

ෆයිසර් එන්නත ලබාගැනීම සඳහා ඔන්ලයින් ක්‍රමයට ලියාපදිංචි වීමට වික්ටෝරියා ප්‍රාන්තවාසීන් දහස් සංඛ්‍යාත පිරිසක් කටයුතු කිරීම හමුවේ වික්ටෝරියා එන්නත් ලියාපදිංචි වෙබ් අඩවිය අක්‍රීය වී තිබේ. අද සිට ප්‍රාන්තයේ අවුරුදු 16 – 39 අතර පුද්ගලයන්ට ෆයිසර් එන්නත ගැනීම සඳහා ලියාපදිංචි වීමට අවස්ථාව දී තිබිණ. පෝලන්ත්යෙන් ලැබුණු ෆයිසර් මාත්‍රා ලක්ෂ 05 අතුරින් වික්ටෝරියා ප්‍රාන්තයට ලද මාත්‍රා ගණන 175,000 කි. අද පෙරවරුවේ ඔන්ලයින් ලියාපදිංචි කිරීම් ආරම්භවී විනාඩි කිහිපයක් තුළ අති විශාල පිරිසක් ලියාපදිංචිවීමට පැමිණීමත් සමග එය අක්‍රීය වී තිබේ.

ඔස්ටේ්‍රලියාවෙන් මේ දක්වා එක් දිනයකදී වාර්තා වූ වැඩිම කොවිඩ් ආසාධිතයන් සංඛ්‍යාව වාර්තාව නැවතත් අලුත් කරමින් ගතවූ පැය 24 තුළ නිවු සවුත් වේල්ස් ප්‍රාන්තයෙන් ආසාධිතයන් 921 ක් වාර්තා වී තිබේ. මින් 741 දෙනෙකුට වෛරසය වැළඳුණු ආකාරය මෙතෙක් හෙළිවී නැහැ. සිඩ්නි නගරයෙන් ඊයේ කොවිඩ් මරණ 02 ක් ද වාර්තා විය. මේ අනුව වසංගතය ආරම්භයේ සිට සිඩ්නි නගරයෙන් සටහන්වූ මුලු කොවිඩ් මරණ සංඛ්‍යාව 132 දක්වා වැඩි වේ. https://twitter.com/NSWHealth/status/1430334358351536130?s=20

මෙල්බර්න් බටහිර ප්‍රදේශයේ නිවසකින් හමුවූ පුද්ගල මළ සිරුරක් සම්බන්ධයෙන් විමර්ශන ආරම්භවී තිබේ. Sunshine North ප්‍රදේශයේ නිවසක තුවාල සහිත අයෙකු සිටින බවට ලද තොරතුරක් අනුව පොලිසිය විමර්ශන ආරම්භ කර තිබිණ. වහා එම ස්ථානයට පොලිසිය සහ ගිලන් රථයක් පැමිණ ඇතත් එම තැනැත්තාගේ ජීවිතය ගලවා ගැනීමට හැකිවී නොමැත. මෙය පහරදීමක්ද නැතහොත් හදිසි අනතුරක්ද යන්න තහවුරු කර ගැනීමට වික්ටෝරියා පොලිසිය විමර්ශන ආරම්භ කර තිබේ. Pic- 9News