Day: August 21, 2021

මෙල්බර්න් නගරයේ පැවති Lockdown විරෝධී උද්ඝෝෂණයට සහභාගීවු පිරිසෙන් 218 දෙනෙකු අත්අඩංගුවට ගෙන තිබේ. ගැටුම්වලදී පොලිස් නිළධාරීන් 06 දෙනෙකු තුවාල ලබා ඇත. මෙහිදී නියම කර ඇති දඩ ප්‍රමාණය ඩොලර් මිලියන 1.1 කට අධික බව සඳහන්. උද්ඝෝෂණයට පැමිණි පිරිස 4000 ඉක්මවා ඇතැයි වික්ටෝරියා පොලිස් වාර්තා කියයි. පොලිස් නිළධාරීන්ට පහරදුන් 03 දෙනෙකු අත්අඩංගුවට ගෙන තිබේ. අත්අඩංගුවට ගත් සෑම අයෙකුටම ඩොලර් 5452 ක දඩයක් නියම වේ. මේ අතර සිඩ්නි නගරයේ පැවති විරෝධතාවයට සහභාගී වූ 47 දෙනෙකුද අත්අඩංගුවට ගෙන තිබේ.

කොවිඩ් මර්දන Lockdown තත්වයන්වලට විරෝධය පළකරමින් මෙල්බර්න් නගරයේ මේ වනවිට දැවැන්ත විරෝධතාවයක් පැවැත්වේ. එහිදී පොලිසිය සහ උද්ඝෝෂකයන් අතර ගැටුම් ද හටගෙන ඇත. Elizabeth Street හරහා විරෝධතාකරුවන් ඉදිරියට ගමන් කරමින් සිටින බවයි වාර්තා වෙන්නේ. මෙම පුද්ගලයන්ට එරෙහිව නිරෝධායන නීති කඩ කිරීමේ චෝදනා යටතේ දඩ නියම කරන බවයි වික්ටෝරියා පොලිසිය සඳහන් කලේ. සිඩ්නි සහ බ්‍රිස්බන් නගරවලද Lockdown විරෝධි උද්ඝෝෂණ පැවැත්වෙන බව සඳහන්.

ඔස්ටේ්‍රලියාවෙන් මේ දක්වා එක් දිනයකදී වාර්තා වූ වැඩිම කොවිඩ් ආසාධිතයන් සංඛ්‍යාව ගතවූ පැය 24 තුළ නිවු සවුත් වේල්ස් ප්‍රාන්තයෙන් වාර්තා වී තිබේ. ඒ ආසාධිතයන් 825 ක් ලෙසයි. මින් 676 දෙනෙකුට වෛරසය වැළඳුණේ කෙසේදැයි තවමත් අවිනිශ්චිතයි. සිඩ්නි නගරයෙන් ඊයේ කොවිඩ් මරණ 03 ක් ද වාර්තා විය. NSW recorded 825 new locally acquired cases of COVID-19 in the 24 hours to 8pm last night. pic.twitter.com/GiLWJcnJNz — NSW Health (@NSWHealth) August 21, 2021