Day: March 25, 2021

ඔස්ටේ්‍රලියාවේ නිවාස මිළ ගණන් සීඝ්‍රයෙන් ඉහළ ගොස් තිබෙනවා. ඉතිහාසයේ වැඩිම දේපළ වටිනාකම සටහන්වූ මාසය වන්නේ මෙම වසරේ ජනවාරි මාසයයි. පසුගිය දෙසැම්බරයේදී සමස්ත දේපළ වටිනාකම ඩොලර් ටි්‍රලියන 12 ක් ලෙසටයි තක්සේරු කර ඇත්තේ. එය සැප්තැම්බර් මාසයට වඩා ඩොලර් බිලියන 250 ක ඉහළ යාමක්. මේ අතර කොවිඩ් තත්වය හමුවේ වුවද ඒක පුද්ගල ආදායමද ඉහළ ගොස් තිබෙනවා. එය වාර්තා වන්නේ ඩොලර් 467 709 ක් ලෙසටයි.

මාධ්‍යවේදියකු නැගු පැනයකට පිළිතුරු දෙමින් තමන් සිදු කල ප්‍රකාශය සම්බන්ධයෙන් සමාව අයදින බව ඕස්ට්‍රේලියානු අග්‍රාමාත්‍ය ස්කොට් මොරිසන් පවසයි. පාර්ලිමේන්තු මන්දිරය තුල කාන්තාවන්ට සිදු වන අසාධාරණය පිළිබඳව මාධ්‍යවේදියකු නැගු ප්‍රශ්නයට පිළිතුරු දෙමින් අග්‍රාමාත්‍ය මොරිසන් කියා සිටියේ මාධ්‍ය ආයතනයක් තුලද කාන්තාවකට හිරි හැර සිදුව ඇති බවට පැමිණිලි පවතින බවයි. නමුත් එලෙස පැමිණිල්ලක් ලැබී නොමැති බවට අදාළ මාධ්‍ය ආයතනය තහවුරු කිරීමෙන් අනතුරුව ඕස්ට්‍රේලියානු අග්‍රාමාත්‍යවරයා සමාව ඉල්ලා තිබේ.

මියන්මාර් පොලීසිය සිදුකළ වෙඩි තැබීමකින් 7 හැවිරිදි දැරියක මියගොස් තිබේ. ඒ අනුව පසුගිය පෙබරවාරි 01 වැනිදා සිදුවූ හමුදා කුමන්ත්‍රණයෙන් පසු මියගිය ළාබාලතම තැනැත්තිය වන්නේ 7 හැවිරිදි කින් මියෝ චිට් එම දැරියයි. ඇයගේ පවුලේ සාමාජිකයින් පැවසුවේ “ඇය තම පියා වෙත දිව යමින් සිටියදී” පොලීසිය වෙඩිතැබීම සිදුකළ බවය. මියන්මාරය පුරා හමුදා පාලකයින්ට එරෙහිව විරෝධතා පැවැත්වෙන අතර ඒවා පාලනයට හමුදා පාලකයින් බලය පාවිච්චි කරමින් සිටී. ඒ හේතුවෙන් මේ වනවිට පොලිස් වාර්තා අනුව 164 දෙනෙක් මියගොස් තිබේ.

ජල ගැලීම් හමුවේ සිය මෝටර් රථය තුළ සිරවී නිව් සවුත් වේල්ස් හිදී මියගිය තරුණයා හඳුනාගෙන තිබෙනවා. ඔහු 25 හැවිරිදි පකිස්ථාන ජාතිකයෙකු බවයි මේ වනවිට තහවුරු කරගෙන ඇත්තේ. එම තරුණයාගේ පවුලේ සාමාජිකයන් කිසිවෙකුත් ඔස්ටේ්‍රලියාව තුළ වාසය නොකරන බවද සඳහන්. අයාස් යූනුස් නම් මෙම තරුණයා සිඩ්නි නුවරදී මෙම ඛේදවාචකයට මුහුණදී ඇත්තේ නව රැකියාවකට ගොස් පළමු දිනයේදීම බවද වාර්තා වනවා.