ශ්‍රී ලංකා ඉතිහාසයේ නව පරිච්ඡේදයක් සනිටුහන් කරමින් පළමුවරට ශ්‍රී ලංකා කාන්තාවකට ඔලිම්පික් තරඟාවලියක් විනිශ්චය කිරීම සහ තරඟ තීරකවරියක් ලෙස කටයුතු කිරීමට අවස්ථාව හිමිව තිබෙනවා.
මෙවර ජපානයේ ටෝකියෝ හිදී පැවැත්වෙන ඔලිම්පික් තරඟාවලිය වෙනුවෙන් එම සුවිශේෂී අවස්ථාව හිමිකරගෙන ඇත්තේ ශ්‍රී ලංකා පොලිසිය නියෝජනය කරනු ලබන ප්‍රධාන පොලිස් පරීක්ෂකවරියක් වන ටී.නෙල්කා ශිරෝමලා නිලධාරිනියයි.
2017 වසරේදී ආසියාවේ දක්ෂතම බොක්සිං විනිසුරුට හිමි සම්මානය ද ඇය විසින් හිමිකරගෙන ඇති අතර ආසියානු කාන්තාවක් දක්ෂතම බොක්සිං විනිසුරු සඳහා සම්මාන ලබාගත් පළමු අවස්ථාව ලෙසද එය ඉතිහාස ගත වුණා.
ශිරෝමලා නිලධාරිනිය ශ්‍රී ලංකාව නියෝජනය කරමින් ජාත්‍යන්තර තරඟාවලියක් විනිශ්චය කළ පළමු කාන්තා බොක්සිං විනිසුරුවරිය ද වනවා.
