මහා බඩවැල ප්රදේශයේ ශෛල්යකර්මයක් සඳහා ෆ්රැන්සිස් පාප් වහන්සේ රෝහල්ගත කර තිබේ.
වතිකානයේ ශාන්ත පීතර බැසිලිකා දෙව් මැදුරේ ඉරිදා දේව මෙහෙය පැවැත්වීමෙන් පසුවයි උන්වහන්සේ රෝහලට ඇතුලුවී ඇත්තේ.
මෙය හදිසි රෝහල්ගත කිරීමක් නොවන අතර පාප් වහන්සේගේ තත්වය බරපතල නැතැයිද වතිකාන වාර්තා සඳහන් කලා.
2013 වසරේදී මෙම තනතුරට පත්වීමෙන් පසු උන්වහන්සේ කල් තියා දැනුවත් කර රෝහල්ගතවූ පළමු අවස්ථාව මෙයයි.
තමා ලබන සැප්තැම්බර් මාසයේදී ස්ලොවැකියාවේ සහ හංගේරියාවේ සංචාරය කරන බවද දේව මෙහෙයේදී උන්වහන්සේ කියාසිටියා.