මුව ආවරණ නොපැළඳ නිරෝධායන නීති කඩකිරීම සම්බන්ධයෙන් උප අගමැති Barnaby Joyce ට ඩොලර් 200 ක දඩ මුදලක් නිකුත් කර තිබෙනවා.
නිවු සවුත් වේල්ස් Armidale හි ඉන්ධන පිරවුම්හලකින් පෙට්‍රල් මිළයට ගැනීමේදී ඔහු මුව ආවරණයක් පැළඳ සිට නොමැති බවයි වාර්තා වන්නේ.
NSW ප්‍රාන්තය මේ වනවිට කොවිඩ් පාලනය කිරීමේ දැඩි අර්බුදයකට මුහුණදී සිටින අතර ඒ අනුව සියලු ගෘහස්ථ කටයුතුවලදී මුව ආවරණ පැළඳීම අනිවාර්ය වනවා.
එහෙත් උප අගමැතිවරයා එලෙස මුව ආවරණයක් පැළඳ නොමැති බව දුටු පුද්ගලයෙකු ඒ සම්බන්ධයෙන් පොලිසිය දැනුවත් කර තිබේ.
අනතුරුව එම ස්ථානයට පැමිණි NSW ප්‍රාන්ත පොලිසිය CCTV දර්ශන පරීක්ෂා කර උප අගමැති Barnaby Joyce ට මෙම දඩ මුදල නියම කර ඇත.
