ඕස්ට්‍රේලියාවෙන් 2007 වසරේ දී සොයාගත් නව ඩයිනෝසර් විශේෂය ලොව විශාලතම ඩයිනෝසර් විශේෂයන් අතරට අයත් වන බවට විද්‍යාඥයින් අනාවරණය කර තිබේ.
‘ද සදර්න් ටයිටන් ‘ලෙස හැඳින්වෙන එම ඩයිනෝසර් විශේෂය ලොව පුරා මේ දක්වා හඳුනාගෙන ඇති විශාලතම ඩයිනෝසර්යන් අතරට අයත් වන බව විදෙස් මාධ්‍ය වාර්තා කළේය.
එම විශේෂය මීටර් 6.05ක් පමණ උසකින් සහ මීටර් 30ක පමණ දිගකින් යුක්ත වන අතර පැසිපන්දු පිටියක් තරම් විශාල සත්වයෙකු බව විද්‍යාඥයින් පෙන්වාදෙයි.
එම ඩයිනෝසර් සත්වයාගේ සැකිල්ලක් පළමුවරට ඕස්ට්‍රේලියාවේ ක්වින්සන්ලන්ඩ් ප්‍රාන්තයෙන් සොයාගෙන තිබුණි.
“සදර්න් ටයිටන්” ඩයිනෝසර් සත්වයා මීට වසර මිලියන 92ක් – 96ත් අතර කාලයකට පෙර වාසය කළ බවට විශ්වාස කෙරේ.
