Regional Victoria කලාපයේ සංචාරක ක්ෂේත්‍රය නංවාලීම සඳහා සංචාරක වවුචර් පත් 80,000 ක් බෙදා හැරීමට වික්ටෝරියා ප්‍රාන්ත රජය තීරණය කර තිබේ.
වැඩ බලන ප්‍රාන්ත අගමැති James Merlino නිවේදනය කලේ ඩොලර් 200 බැගින් වන වවුචරපත් මෙලෙස බෙදා හැරීමට නියමිත බවයි.
දැනට බිඳවැටී ඇති වික්ටෝරියා ප්‍රාන්තයේ සංචාරක ක්ෂේත්‍රය නගා සිටුවීම සඳහා ඩොලර් මිලියන 32.2 ක පැකේජයක් පසුගියදා හඳුන්වා දෙන ලදී.
මෙම සංචාරක වවුචර්පත් ක්‍රමය ක්‍රියාත්මක වන්නේද එහි එක් අධියරක් ලෙසයි.
කෙසේවෙතත් මෙල්බර්න් නාගරික කලාපයට පණවා ඇති Lockdown තත්වය ඉවත් කිරීමෙන් පසු මෙම වැඩපිළිවෙල ක්‍රියාත්මක වනු ඇතැයිද වාර්තා වනවා.
මෙල්බර්න් Lockdown තත්වය ඉවත් කිරීමට නියමිතව ඇත්තේ ලබන 10 වනදා මධ්‍යම රාත්‍රියේයි.
Pic Credit: Harry Thomson/7NEWS.com.au
