දින කිහිපයකට පෙර මෙල්බර්න් නුවරින් හමුවූ කොවිඩ් ආසාධිතයා සහ ඔහුගේ ආශ්‍රිතයන් ගමන් කල ස්ථාන තහවුරු කිරීමේදී අත්වැරදීමක් සිදුව ඇතැයි වික්ටෝරියා සෞඛ්‍ය දෙපාර්තමේන්තුව පවසයි.
ප්‍රාන්ත සෞඛ්‍ය අමාත්‍ය Martin Foley පැවසුවේ Epping හි පිහිටි Woolworths වෙළඳ සංකීර්ණයටද ඔහු ගොස් ඇතැයි ප්‍රථමයෙන් ප්‍රකාශ වූ බවයි.
එහෙත් සැබෑ ලෙසම අදාළ ආසාධිතයා ගොස් ඇත්තේ Epping හි පිහිටා ඇති වෙනත් වෙළඳ සංකීර්ණයකටයි.
මෙම තත්වය සම්බන්ධයෙන් විශේෂ විමර්ශනයක්ද ආරම්භ කර ඇති බවයි වික්ටෝරියා සෞඛ්‍ය දෙපාර්තමේන්තුව සඳහන් කලේ.
මෙම සිදුවීම පදනම් කරගෙන ප්‍රාන්ත රජයට විපක්ෂය විසින් චෝදනා කිරීමද ආරම්භ වී ඇත.
