ක්වීන්ස්ලන්ඩ් ජනතාවට විදුලි බිල් සඳහා ඩොලර් 1000ක වට්ටමක්

ක්වීන්ස්ලන්ඩ් ප්‍රාන්ත ජනතාවට නව යෝජනා ක්‍රමයක් යටතේ බලශක්ති බිල්පත් සඳහා ඩොලර් 1000ක වට්ටමක් ලැබීමට නියමිතව තිබෙනවා.

 

ප්‍රාන්ත රජය විසින් ප්‍රකාශයට පත් කරන ලද පුළුල් බලශක්ති වට්ටම් යෝජනා ක්‍රමයක් යටතේ ක්වීන්ස්ලන්තයේ සෑම නිවසකටම ඔවුන්ගේ විදුලි බිල්පත් සඳහා මෙලෙස ඩොලර් 1000ක වට්ටමක් ලැබෙන බවයි වාර්තා වන්නේ. 

 

අගමැති ස්ටීවන් මයිල්ස් සහ භාණ්ඩාගාරික කැමරන් ඩික් පවසන්නේ මෙම වැඩසටහන තුලින් සමස්ත ක්වීන්ස්ලන්ත වැසියන්ට ඩොලර් බිලියන 2.5කට වඩා ඉතිරි කර දෙන බවයි. 

 

එමෙන්ම ඔස්ට්‍රේලියාවේ ප්‍රාන්ත රජයක් විසින් මෙතෙක් ලබා දී ඇති විශාලතම ජීවන වියදම් සහන වැඩසටහන මෙය බව ද ඔවුන් ප්‍රකාශ කළා.

 

නව යෝජනා ක්‍රමය පාර්ලිමේන්තුව තුළ සම්මත වුවහොත් එය ලබන ජූලි මස 1 වැනිදා සිට ක්‍රියාත්මක වනු ඇති. 

 

ක්වීන්ස්ලන්ත රජය පවසන්නේ ප්‍රාන්තයේ සෑම නිවසකටම වට්ටම් ලැබෙනු ඇති අතර සහන සඳහා අයදුම් කිරීමට අවශ්‍ය නොවන බවයි. 

 

ඔස්ට්‍රේලියා ඉතිහාසයේ ඕනෑම රජයක් විසින් මෙතෙක් ලබා දුන් විශාලතම වට්ටම එය වන අතර ක්වීන්ස්ලන්ත වැසියන්ට ඩොලර් බිලියන 2.5 කට වඩා මෙමගින් ඉතිරි කර ගැනීමට හැකිවනු ඇතැයි අපේක්ෂිතයි.

මෙල්බන් උතුරු ප්‍රදේශයේ පාසල් බස් රථ අනතුරින් එක් අයෙක් ජීවිතක්ෂයට

මෙල්බන් උතුරු ප්‍රදේශයේ කිල්මෝර්හිදී අසම්ප්ෂන් විද්‍යාලයේ සිසුන් රැගත් පාසල් බස් රථය අනතුරට ලක්වීමෙන් රියදුරු මිය ගොස් සිසුවෙකු තුවාල ලබා තිබෙනවා.

Read More »

මගීන් සමග ගමන් කරමින් තිබූ ගුවන් යානයකට ෆ්ලෙමින්ගෝ ප්‍රහාරයක්

ඉන්දියාවේ මුම්බායි දක්වා පැමිණෙමින් තිබූ එමිරේට්ස් සමාගමට අයත් ගුවන් යානයක් ෆ්ලෙමින්ගෝ පක්ෂීන් රංචුවක ගැටී ඇතැයි වාර්තා වනවා.

Read More »