හෙට සිට ඔස්ටේ්‍රලියාව දක්වා ගමන් ගන්නා ගුවන් මගීන් ක්ෂණික ප්‍රතිදේහ හෙවත් රැපිඩ් ඇන්ටිජන් පරීක්ෂණයකට පෙනී සිටීම අනිවාර්ය බව ශ්‍රී ලංකන් ගුවන් සමාගම පවසනවා.
කොළඹ ඔස්ටේ්‍රලියානු මහ කොමසාරිස් කාර්යාලය විසින් නිකුත් කරන ලද නවතම සෞඛ්‍ය මාර්ගෝපදේශවලට අනුව එම නියමය පණවා ඇති බවයි ඔවුන් නිකුත් කර ඇති නිවේදනයක දැක්වෙන්නේ.
මේ අනුව ඔස්ටේ්‍රලියාව හෝ ඒ හරහා සංක්‍රමණය වන සංචාරකයින් සඳහා සෘණාත්මක පී සී ආර් ප්‍රතිඵලයක් අවශ්‍ය වන අතර නියමිත පිටත්වීමට පැය 72 ක් හෝ ඊට අඩු කාලයක් තුළ එම වාර්තාව ගුවන් සමාගමට ඉදිරිපත් කළ යුතුයි.
මීට අමතරව, ඔස්ටේ්‍රලියාවට පිටත් වීමට පෙර ක්ෂණික ප්‍රතිදේහ පරීක්ෂණ ප්‍රතිඵලයක් ද අවශ්‍ය වන අතර ගුවන් ගමන සඳහා නියමිත පිටත්වීමට පැය 8 ක් හෝ ඊට අඩු කාලයක් තුළ එම පරීක්ෂණයේ ප්‍රතිඵල ගුවන් සමාගමට ඉදිරිපත් කළ යුතු වනවා.
විද්‍යුත් තැපෑල හරහා හෝ මුද්‍රිත පිටපතක් මගින් ගුවන් ගමන් පරීක්ෂාවට පෙර එය ඉදිරිපත් කළ යුතු බවයි ශ්‍රී ලංකන් ගුවන් සමාගම දන්වා සිටින්නේ.
