Hospitality සහ tourism ක්ෂේත්‍රවල රැකියාවල නිරතවීමට අපේක්ෂා කරන බලපත්‍රලාභීන්ට 408 COVID-19 වීසා කාණ්ඩය යටතේ අයදුම් කිරීමට අවස්ථාව ලැබී තිබෙනවා.
ඔවුන්ගේ දැනට පවතින වීසා බලපත්‍රය කල් ඉකුත්වීමට දින 90 කට පෙර ඒ සඳහා ඉල්ලුම් කල යුතු අතර මේ අනුව තවත් වසරක කාලයක් ඔස්ටේ්‍රලියාවේ රැඳී සිටීමටද ඔවුන්ට අවස්ථාව උදා වනවා.
Hospitality සහ tourism ක්ෂේත්‍ර නගා සිටුවීමේ අරමුණ ඇතිවයි රජය විසින් මෙම යෝජනාව ඉදිරිපත් කර ඇත්තේ.
සංක්‍රමණ අමාත්‍ය Alex Hawke පෙන්වා දෙන්නේ කොවිඩ් තත්වය හමුවේ දැනට අඩාලව පවතින මෙම ක්ෂේත්‍ර කඩිනමින් යථා තත්වයට පත් කිරීමේ අරමුණ ඇතිව මෙම යෝජනාව ක්‍රියාවට නංවන බවයි.
