කොවිඩ් ආසාධිතයෙකු ගමන් කර ඇතැයි අනාවරණ වීමත් සමග බ්‍රිස්බන් ජාත්‍යන්තර ගුවන් තොටුපළේ අවන්හලක් සහ වැසිකිලි අධි අවධානම් කලාප ලෙස නම් කර තිබෙනවා.
ඔවුන් ආසාධිතයන් බව දැනුවත්ව සිටියදී පවා බළධාරීන් විසින් හරිත කලාපය (Green Zone) වෙත යොමු කර ඇති බවයි වාර්තා වන්නේ.
මෙම පිරිස පැපුවා නිව් ගිනියාවේ සිට පැමිණ තිබූ අතර කටාර් හි දෝහා දක්වා ගමන් කිරීමයි සැළසුම් වී තිබුණේ.
මෙම සිද්ධියත් සමග නවසීලන්තය දක්වා ගමන් කිරීමට නියමිත වූ මගීන් 400 දෙනෙකු පමණ ආශ්‍රිතයන් බවට පත්වී තිබෙනවා.
ඔවුන් සියලුදෙනාට නිරෝධායනය වන ලෙසටයි දන්වා ඇත්තේ.
