ශ්‍රී ලංකාවෙන් පැමිණෙන පුද්ගලයන්ට රටට ඇතුලුවීම වළක්වමින් නිකුත් කර තිබූ නියෝගය ඉතාලිය විසින් දීර්ඝ කර තිබෙනවා.
එරට සෞඛ්‍ය අමාත්‍යවරයා විසින් ඊයේ අත්සන් තබා ඇති නියෝගයට අනුව කොවිඩ් අවධානම සළකා ශ්‍රී ලංකාව – ඉන්දියාව සහ බංග්ලාදේශය යන රටවලින් පැමිණෙන පුද්ගලයන්ට ඉතාලියට ඇතුලුවීමට අවසර නොදීමටයි පියවර ගෙන ඇත්තේ.
එමෙන්ම එම රටවල මෑතකදී සංචාරය කර පැමිණෙන ඉතාලි පුරවැසියන්ට සහ ස්ථිර පදිංචිකරුවන්ටද දින 10 ක නිරෝධායන කාලයකට යටත්වීමට සිදුවනවා.
එය දැඩිව අධීක්ෂණය කෙරෙනු ඇති.
මෙම රටවල් 03 හි සිට පැමිණෙන ඕනෑම අයෙකු ගුවන් ගමනට පැය 48 කට පෙර ලබාගත් සෘණාත්මක කොවිඩ් පරීක්ෂණ වාර්තාවක්ද ඉදිරිපත් කල යුතුයි.
ඉතාලියට පැමිණි වහා තවත් පරීක්ෂණයක් සිදුකරන අතර නිරෝධායන කාලය අවසානයේ තවත් පී සී ආර් පරීක්ෂණයකට මුහුණදිය යුතු වනවා.
ලබන මැයි 15 වනදා තෙක් මෙම නියමයන් බලාත්මක වන බවයි ඉතාලි සෞඛ්‍ය අමාත්‍යංශය කියාසිටියේ.
