ඔස්ට්රේලියා ඉතිහාසයේ තුන්වන විශාලතම ත්යාග මුදල වූ ඩොලර් මිලියන 150ක ත්යාගය ලබාදුන් ලොතරැයි දිනුම් ඇදීමෙන් ජයග්රාහකයෙකු බිහි වී තිබෙනවා.
දකුණු ඔස්ට්රේලියාවේ ලියාපදිංචි නොකළ ස්ථානයකින් ටිකට්පත අලෙවි වී ඇති අතර ජයග්රාහකයාගේ අනන්යතාවය මෙතෙක් හෙලිවී නොමැති බව සදහන්.
දිනුම් ඇදීමෙන් පසු ජයග්රාහකයා මෙතෙක් ත්යාගය සඳහා හිමිකම් කීමට ඉදිරිපත් වී නොමැති බවයි වාර්තා වන්නේ.
මෙම ජයග්රාහී ලොතරැයියේ අංක වූයේ 18, 29, 34, 8, 4, 28 සහ 6යි.
ලොතරැයි සමාගම පැවසුවේ තනි පුද්ගලයෙක් ටිකට් පත මිලදී ගත් නමුත් එය ක්රීඩක කාඩ්පතකට හෝ මාර්ගගත ගිණුමකට ලියාපදිංචි නොකළ නිසා හිමිකරු ඉදිරිපත් වන තෙක් බලා සිටීම හැර වෙනත් විකල්පයක් නොමැති බවයි.
ඩොලර් මිලියන 150ක ත්යාගය මෙරට ලොතරැයි ක්රීඩාව විසින් පිරිනමන තුන්වන විශාලතම ත්යාගය ලෙසටයි සැලකෙන්නේ.
ජයග්රාහකයින් නොමැතිව එක දිගට දිනුම් ඇදීම් හයක් අවසන් වීම හේතුවෙනුයි මෙවර ත්යාගය ඉහළ ගොස් ඇත්තේ.
ඔස්ට්රේලියානු වැඩිහිටියන්ගෙන් අඩක් පමණ ලොතරැයියක් මිලදී ගැනීමට අපේක්ෂා කර තිබූ බව නිලධාරීන් දිනුම් ඇදීමට පෙර ප්රකාශ කර තිබුණා.
ඩොලර් මිලියන 150 මෙම ත්යාග මුදල එක් පුද්ගලයෙකු පමණක් ලබා ගත හොත් ඔහු මෙරට විශාලතම තනි පුද්ගල ලොතරැයි ජයග්රාහකයා බවට පත්වෙමින් ඉතිහාසයට එක්වනු ඇති.
පවර්බෝල් අවසන් වරට ඩොලර් මිලියන 150ක ත්යාගයක් පිරිනැමුවේ මේ වසරේ ජනවාරි මාසයේදී යි.
ඔස්ට්රේලියා ඉතිහාසයේ විශාලතම පවර්බෝල් ත්යාගය වන ඩොලර් මිලියන 200ක් වටිනා ත්යාගය සඳහා පුද්ගලයන් දෙදෙනෙකු විසින් පෙබරවාරි මාසයේදී හිමිකම් කියනු ලැබුවා.
අද රාත්රියේ දිනුම් ඇදීම සඳහා ලොතරැයියක් මිල දී ගත් සියලුම දකුණු ඔස්ට්රේලියානු පදිංචිකරුවන්ට හෝ ප්රාන්තයට පැමිණි පිටස්තර පුද්ගලයන්ට ඔවුන්ගේ ලොතරැයි පරීක්ෂා කරන ලෙස ලොතරැයි නිලධාරීන් ඉල්ලා තිබෙනවා.
දකුණු ඔස්ට්රේලියාවේ මෙම ලොතරැයි ජයග්රාහකයාට ඔවුන්ගේ ත්යාගය හිමිකර ගැනීමට මාස 12ක කාලයක් තිබෙන බව සඳහන්.
ඩොලර් මිලියන 150 පළමු කොටසේ ජයග්රාහකයාට අමතරව අද පැවති තරඟ දිනුම් ඇදීමේ දී කොටස් දෙකේ සිට නවය දක්වා ජයග්රාහකයින් 4,433,211ක් ඩොලර් මිලියන 89.3 කට වඩා වැඩි මුදල් ප්රමාණයක් ලබාගෙන තිබෙනවා.