වික්ටෝරියා ප්‍රාන්තයේ විදුලි බිල ලබන ජුලි මස පළමුවනදා සිට පහත වැයෙනු ඇතැයි ප්‍රාන්ත රජය නිවේදනය කර තිබෙනවා.
ඒ අනුව වාර්ෂිකව වික්ටෝරියානු ගෘහස්ත විදුලි පාරිභෝගිකයන්ට ඩොලර් 100ක ගාස්තු අඩුවීමක් පෙන්නුම් කරන බවයි වාර්තා වන්නේ.
වික්ටෝරියානු විදුලි පාරිභෝගිකයින්ගෙන් 340,000 කට පමණ ලැබෙන ඩොලර් 1655ක පමණ වාර්ෂික බිල්පතක් සඳහා ජුලි පළමුවනදා සිට සියය‌ට 6ක අඩුවමක් සිදුවන බව සඳහන්‍.
ප්‍රාන්තයේ කුඩා ව්‍යාපාරවලින් 58,000කට වැඩි ප්‍රමාණයක් වාර්ෂිකව ඩොලර් 3530ක බිල්පතක් ගෙවන අතර ඔවුන්ට මෙම සහන මගින් ඩොලර් 260ක අඩුවීමක් සිදුවන බවයි වාර්තා වන්නේ.
වෙළඳපල දත්ත සහ ඔස්ට්‍රේලියානු බලශක්ති නියාමක ආයතන විසින් අනුමත කරන ලද ගාස්තු මත පදනම්ව කොමිසම මෙම තීරණය ගෙන තිබෙනවා.
ජීවන වියදම් පීඩනය හමුවේ බොහෝ දෙනෙකුට බලශක්ති බිල්පත් ද අමතර පිරිවැයක් වන අතර මෙම සහන මගින් ජීවන වියදමට යම් සහනයක් ලැබෙනු ඇති බවයි විචාරකයින් පෙන්වා දෙන්නේ.
