මෙල්බන් උතුරු ප්‍රදේශයේ කිල්මෝර්හිදී අසම්ප්ෂන් විද්‍යාලයේ සිසුන් රැගත් පාසල් බස් රථයක් අනතුරට ලක්වී රියදුරු මිය යෑමේ සිද්ධියත් සමහ එහි ගමන් කළ සිසුන් සදහා උපදේශණ සේවයක් ආරම්භ කර තිබෙනවා.
බස් රථය අනතුරට පත්වන විට කිල්මෝර්හි අසම්ප්ෂන් විද්‍යාලයේ ළමුන් 30 දෙනෙකු පමණ එහි සිට ඇති බවයි වාර්තා වන්නේ.
සිද්ධියෙන් ඇතිවූ කම්පන තත්වයෙන් සිසුන් මුදවා ගැනීම මෙම උපදේශණ සේවයේ අරමුණයි.
මෙල්බර්න් නගරයට කිලෝමීටර් 65ක් උතුරින් පිහිටි කිල්මෝර්හි අසම්ප්ෂන් විද්‍යාලයේ සිසුන් බසයේ සිටි අතර එය කිල්මෝර්හි වැන්ඩොං පාරෙන් ඉවතට පැන ගසක ගැටී අනතුරට ලක්ව තිබුණා.
තම පාසැල් බසයේ රියදුරා තම ඇස් ඉදිරිපිට මෙලෙස මියයෑම සිසුන්ට දරාගත නොහැකි බවයි වාර්තා වන්නේ.
එම කම්පන තත්වයෙන් සිසුන් මුදවා ගැනීම සදහා වහාම උපදේශණ සේවා වෙත ළමයින් යොමු කිරීමට දෙමාපියන් සහ පාසැල් බලධාරීන් පියවර ගෙන තිබෙනවා.
සිද්ධියට වන විට 1 ශ්‍රේණියේ සිට 12 ශ්‍රේණිය දක්වා සිසුන් එම බස් රථයේ සිට ඇති අතර ඔවුන් සියලු දෙනාම එම අනතුරු සියැසින් දැක ඇති බවයි වාර්තා වන්නේ.
