මැතිවරණ ප්‍රචාරක රැළියක වේදිකාවක් කඩා වැටී 9ක් ජීවිතක්ෂයට

උතුරු මෙක්සිකෝවේ මැතිවරණ ප්‍රචාරක රැලියක වේදිකාවක් කඩා වැටීමෙන් සිදු වූ අනතුරකින් පුද්ගලයන් 9 දෙනෙකු ජීවිතක්ෂයට පත්වී තිබෙනවා.

තවත් 50කට වැඩි පිරිසක් තුවාල ලබා ඇති බවයි විදෙස් මාධ්‍ය වාර්තා කළේ.

සැන් පේද්‍රෝ ගාර්සා ගාර්ෂියා නගරයේදී මෙම ප්‍රචාරක රැළිය පවත්වා ඇති අතර වේදිකාව කඩා වැටෙන අවස්ථාවේදී ජනාධිපති අපේක්ෂක ජෝර්ජ් අල්වාරෙස් මේනෙස් ජනතාව අමතමින් සිට තිබෙනවා.

නගරයට බලපෑ දැඩි සුළං තත්වය හේතුවෙන් වේදිකාව කඩා වැටෙන්නට ඇතැයි විශ්වාස කරන බව සමාජ මාධ්‍ය ඔස්සේ සටහනක් තබමින් ජනාධිපති අපේක්ෂක මේනෙස් ප්‍රකාශ කර තිබුණා.

මිනිසුන් වේදිකාව මත සිටියදී කොටසක් කඩා වැටෙන අයුරු දිස්වෙන වීඩියෝවක් සමාජ මාධ්‍යයන්හි සංසරණය වන අතර ජනාධිපති අපේක්ෂකයා පැමිණ සිටි ජනතාවට අත වනමින් ආරක්‍ෂිත ස්ථානයක් කරා දිව යන අයුරු එහි දිස්වෙන බවත් විදෙස් මාධ්‍ය වාර්තා කළා.

වේදිකාව කඩා වැටීමේ අනතුරින් පසු තවත් පිරිසක් කොටු වී ඇති බව ප්‍රාන්ත ආණ්ඩුකාරවරයා ප්‍රකාශ කළා.

මෙක්සිකානු ජනාධිපතිවරයා ද මෙම සිදුවීම සම්බන්ධයෙන් කණගාටුව පළ කර ඇති අතර ඔහු පැවසුවේ මියගිය සහ තුවාල ලැබූ අයගේ පවුලේ සාමාජිකයින්ට මෙන්ම දේශපාලන ආධාරකරුවන්ට තම ශෝකය පළ කරන බවයි.

අනෙකුත් ජනාධිපති අපේක්ෂකයින් ද ඇතුළුව මෙක්සිකෝවේ විශාල පිරිසකගෙන් මෙම අනතුරට ශෝක ප්‍රකාශ රැසක් ලැබී තිබෙනවා.

පැතිර යන රෝගයක් නිසා NSW සෞඛ්‍ය අංශවලින් අනතුරු ඇඟවීමක්

පැතිර යන රෝගයක් නිසා NSW සෞඛ්‍ය අංශවලින් අනතුරු ඇඟවීමක්නිව් සවුත් වේල්ස් ප්‍රාන්තයේ ඉන්ෆ්ලුවෙන්සා රෝගීන් සංඛ්‍යාව සියයට 33කින් ඉහළ ගොස් තිබෙනවා.

Read More »

උත්සවවලට අවශ්‍යම වන ද්‍රව්‍ය කිහිපයකට NSW ප්‍රාන්ත කවුන්සිලයකින් තහනමක්

නිව් සවුත්වේල්ස් ප්‍රාන්තයේ බයිරන් බේ කවුන්සිලය විසින් සැරසිලි ද්‍රව්‍ය කිහිපයක් සඳහා තහනමක් පැනවීමට පියවර ගෙන තිබෙනවා.

Read More »

හැමෝටම බලපාන හේතුවක් නිසා ඔස්ට්‍රේලියාවේ නගර කිහිපයක් මුල් තැනට එයි

එළඹෙන මූල්‍ය වර්ෂයේදී නිවාස මිල වැඩි වශයෙන් ඉහළ යන නගර අතුරින් පර්ත්, ඇඩිලේඩ්, සිඩ්නි සහ බ්‍රිස්බේන් මුල් තැනට පත්වනු ඇතැයි නව සමීක්ෂණ මගින් තහවුරු වී තිබෙනවා.

Read More »

රුධිර පරිත්‍යාගයෙන් මෙල්බන් පදිංචිකරුවෙක් වාර්තාවක් පිහිටුවයි

877 වන වරටත් රුධිරය පරිත්‍යාග කිරීමෙන් පසු මෙල්බර්න් නගරයේ ජීවත් වන පුද්ගලයෙක් ඔස්ට්‍රේලියාවේ වඩාත්ම ක්‍රියාකාරී රුධිර පරිත්‍යාගශීලියා බවට පත් වී තිබෙනවා.

Read More »

ඔස්ට්‍රේලියාවේ සාප්පු සවාරි යන අයට අඩුම මිලට බඩු ගන්න තැනක්

ඔස්ට්‍රේලියාවේ සුපිරි වෙළඳසැල් ජාලය තුළ අඩුම මිලකට සිල්ලර භාණ්ඩ මිලදී ගත හැකි වෙළඳසැල් සම්බන්ධයෙන් නව සමීක්ෂණයක් සිදු කර තිබෙනවා.

Read More »