වර්ල්ඩ් ඉකොනොමි ෆෝරම් (world economy forum) විසින් 2024 වසර සදහා ලොව හොදම සංචාරක රටවල් පිළිබ‍ද නවතම වාර්තාවක් නිකුත් කර තිබෙනවා.
කොවිඩ් වසංගතයෙන් පසු වර්ල්ඩ් ඉකොනොමි ෆෝරම් විසින් මෙව‍ැනි වාර්තාවක් නිකුත් කළ පළමු අවස්ථාව මෙය වන අතර සංචාරකයන්ගේ රුචිකත්වය පවතින රටවල ආර්ථික තත්වය මත මෙම වාර්තාව නිකුත් කර තිබුණා.
එමෙන්ම එම රටවල්වල ආර්ථික තත්වය සැළකිල්ලට ගනිමින් ආර්ථික සංචාරක රටවල් ලෙසයි මෙම රටවල් නම් කර ඇත්තේ.
ඒ අනුව ආර්ථික වාසි මෙන්ම ආර්ථික සංවර්ධනය අතින් ඇමරිකා එක්සත් ජනපදය ලොව හොදම සංචාරක රට ලෙසයි ලෝක ආර්ථික ෆෝරමය පවසනවා.
එම ශ්‍රේණිගත කිරීමට අනුව ස්පාඥය දෙවන ස්ථානයට පත්ව ඇති අතර තුන්වන ස්ථානයට පත්වී ඇත්තේ ජපානයයි.
මෙම ශ්‍රේණිගත කිරීම අනුව ලොව සංචාරය සඳහා වඩාත් සුදුසු ආර්ථිකයක් පවතින 5 වන රට ලෙස ඔස්ට්‍රේලියාව නම් කර තිබෙනවා.
ජර්මනියට එම ශ්‍රේණිගත කිරීමේ 6 වන ස්ථානයත් බ්‍රිතාන්‍යට 7 වන ස්ථානයත් චීනයට 8 වන ස්ථානයත් ලැබී ඇතැයි සඳහන්.
ඉතාලිය 9 වන ස්ථානයත් ස්විස්ටර්ලන්තය 10 වන ස්ථානයටත් හිමිකර ගෙන ඇති අතර ලොව සංචාරය සඳහා සුදුසුම රටවල් අතර යූරෝපා රටවල් ප්‍රමුඛත්වයට පත්ව තිබීම විශේෂත්වයක්.
