ලෝකය පුරා පැතිර යන කුරුළු උණ වෛරසයට වඩා වික්ටෝරියා ප්‍රාන්තයෙන් හමුවී ඇති වෛරසයෙන් මහජනතාවට ඇති අවදානම අඩු බව නවතම සමික්ෂණ මගින් අනාවරණ වී තිබෙනවා.
වික්ටෝරියානු බිත්තර ගොවිපළකින් අනාවරණය වූ කුරුළු උණ දැනට ලොව පුරා ව්‍යසනයක් ඇති කරන වෛරසය නොවන බවයි වාර්තා වන්නේ.
කෙසේවෙතත් විශේෂඥයින් අනතුරු අඟවා ඇත්තේ මෙම තොරතුරු මගින් ඔස්ට්‍රේලියාවට සෑහීමකට පත්විය නොහැකි බවයි.
වික්ටෝරියා ප්‍රාන්ත ගොවිපළේ කුකුළු පැටවුන් ගණනාවක් මරණයට පත්ව ඇති වෛරසය මීට පෙර ඔස්ට්‍රේලියාවේදී අනාවරණය වූ H7N3 වෛරසය බවටයි හඳුනාගෙන ඇත්තේ.
එක්සත් ජනපදයේ සහ ලෝකයේ අනෙකුත් ප්‍රදේශවල මෑතදී පැතිර ගිය වෛරසය ඔස්ට්‍රේලියාවේ පක්ෂීන්ගෙන් තවමත් සොයාගෙන නොමැති බව සඳහන්.
ගොවිපල අවට ආරක්ෂිත ක්‍රමවේද ක්‍රියාත්මක වන අතර ආසාදන ප්‍රභවය සොයා ගැනීම සඳහා විමර්ශන සිදු වෙමින් පවතින බව කෘෂිකර්ම බලධාරීන් ප්‍රකාශ කළා.
කුරුළු ඉන්ෆ්ලුවෙන්සා වෛරසය එය ආසාදනය වූ සතුන් සමඟ සෘජුව සම්බන්ධ වන මිනිසුන් අතර පැතිර යා හැකි නමුත් සමස්ත මහජනතාවට පවතින අවදානම අඩු මට්ටමක පවතින බවයි සඳහන් වන්නේ.
පරිභෝගිකයින් සුපිරි වෙළඳසැල්වලින් බිත්තර සහ කුකුළු මස් ඇතුළු නිෂ්පාදන මිලදී ගැනීමේදී සැලකිලිමත් නොවිය යුතු අතර ඒවා අවදානමක් ඇති නොකරන බැවින් පරිභෝජනයට ද ආරක්ෂිත බවයි දැනුම් දෙන්නේ.
වික්ටෝරියා ප්‍රාන්තයෙන් ඊයේ හමුවු කුරුළු උණ ආසාදිත දරුවාගෙන් ද වෙනත් අයට එය පැතිර ගොස් ඇතැයි මෙතෙක් අනාවරණ වී නොමැති බව සෞඛ්‍ය අංශ අවධාරණය කළා.
