සිඩ්නි ඇතුලු ප්‍රදේශ කිහිපයක කාලගුණය ගැන දැනුම්දීමක්

සිඩ්නි ඇතුලු ප්‍රදේශ කිහිපයකට පවතින වැසි තත්වය සති අන්තයේ ද අඛණ්ඩව පවතිනු ඇතැයි කාලගුණ විද්‍යාඥයින් පවසනවා.

ඔවුන් පෙන්වා දෙන්නේ මෙම සති අන්තයේ නිව් සවුත් වේල්ස් සහ දකුණු ක්වීන්ස්ලන්තයේ අභ්‍යන්තර ප්‍රදේශවල වැසි සහ ගිගුරුම් සහිත වැසි ඇති වන අතර ඇතැම් ප්‍රදේශවල ගංවතුර අවදානමක් ද පවතින බවයි.

සිඩ්නි නගරයේ අඛණ්ඩව වැසි පැවති දින ගණන නවයක් වී ඇති අතර මෙම තත්ත්වයන් අවම වශයෙන් ලබන සඳුදා දක්වා පවතිනු ඇතැයි විශ්වාස කෙරෙනවා.

මීට පෙර 1943 සහ 2022 වසරවලදී සිඩ්නි නුවර අඛණ්ඩව දින 16ක් වැසි පතිත වී තිබුණා.

මෙම වැසි තත්ත්වයට හේතු වී ඇත්තේ නැගෙනහිර ඔස්ට්‍රේලියාවට ඉහලින් ඇති වායුගෝලය තුළ හගගෙන ඇති පීඩන පද්ධතියක් බව කාලගුණ බලධාරීන් ප්‍රකාශ කළා.

නිව් සවුත් වේල්ස් හි ඇතැම් ප්‍රදේශවලට මිලිමීටර් 50 සිට 80 දක්වා වර්ෂාපතනයක් ලැබිය හැකි අතර උතුරු වික්ටෝරියා සහ දකුණු ක්වීන්ස්ලන්තයේ මිලිමීටර් 20 සිට 40 දක්වා වර්ෂාපතනයක් අපේක්ෂා කළ කෙරෙනවා.

එබැවින් සති අන්තයේ නැගෙනහිර නිව් සවුත්වේල්ස්හි කොටස්වල අධික වර්ෂාව සහ ගංවතුර ඇතිවීමේ හැකියාවක් පවතින බව අනාවැකිකරුවන් අනතුරු අඟවා තිබෙනවා.

සති අන්තයේ ගංවතුර ඇතිවීමට බොහෝ දුරට ඉඩ ඇති ප්‍රදේශය ඉලවර්රා සහ දකුණු වෙරළබඩ ප්‍රදේශ වන අතර එහි දින දෙකක වර්ෂාපතනයේ එකතුව මිලිමීටර් 150 සිට 250 දක්වා විය හැකි බවයි පැවසෙන්නේ.

විදේශිකයන්ගේ සෙවීමක් නිසා ඔස්ට්‍රේලියාවේ නගර අතරින් සිඩ්නි මුල් තැනට එයි

විදේශයන්හි සිටින පුද්ගලයින් දේපල කුලියට ගැනීමට අපේක්ෂා කරන ඔස්ට්‍රේලියානු නගර ලැයිස්තුව තුළ සිඩ්නි නගරය ඉහළට පැමිණ තිබෙනවා.

Read More »

ලොව ධනවතුන් අතර ඉහළින් ඉන්න ඉලෝන් මස්ක් ළගදීම ශ්‍රී ලංකාවට

ස්ටාර් ලින්ක් (Starlink) චන්ද්‍රිකා අන්තර්ජාල සේවාව ක්‍රියාත්මක කිරීම සඳහා මේ වසරේ ශ්‍රී ලංකාවට පැමිණෙන ලෙස ජනාධිපති රනිල් වික්‍රමසිංහ කළ ආරාධනය ඉලෝන් මස්ක් පිළිගෙන ඇති බව වාර්තා වනවා.

Read More »

පිහි අපරාධ මඩින්න ගේන්න හදන නව නීතිය

පිහි හෝ ලෝහමය තියුණු ආයුධ රැගෙන යන පුද්ගලයින් පරීක්ෂාකිරීමට අදාළව නව නීති සම්මත කර ගැනීමට ඔස්ට්‍රේලියාවේ ප්‍රාන්ත රජයන් කටයුතු සැලසුම් කරමින් ඇතැයි වාර්තා වනවා.

Read More »

තරුණ පරම්පරාවේ සමාජ මාධ්‍යයේ බලපෑම් ගැන අනතුරු ඇඟවීමක්

නව යොවුන් වියේ දරුවන්ගේ මානසික යහපැවැත්ම සම්බන්ධයෙන් ක්වීන්ස්ලන්ඩ් ප්‍රාන්තයේ ප්‍රධාන සෞඛ්‍ය නිලධාරියා මහජන සෞඛ්‍ය අනතුරු ඇඟවීමක් ප්‍රකාශයට පත් කර තිබෙනවා.

Read More »