විදේශ රැකියා ලබාදෙන බව පවසා මුදල් වංචා කිරීමේ සිදුවීම් ඉහළට

විදේශ රැකියා අවස්ථා ලබාදෙන මුවාවෙන් වංචනික ලෙස මුදල් එකතු කරන පුද්ගලයින්ට එරෙහිව නීතිය ක්‍රියාත්මක කරන ලෙස ශ්‍රී ලංකා විදේශ සේවා නියුක්ති කාර්යාංශයේ නිලධාරීන්ට උපදෙස් ලබාදී තිබෙනවා.

කම්කරු හා විදේශ රැකියා අමාත්‍ය මනූෂ නානායක්කාර විසිනුයි කාර්යාංශයේ විමර්ශන දෙපාර්තමේන්තු නිලධාරීන් වෙත මෙම නියෝගය නිකුත් කර ඇත්තේ.

විදේශ රැකියා අමාත්‍යාංශය නිකුත් කළ නිවේදනයක දැක්වෙන්නේ විදේශ රැකියා ලබා දෙන බවට පවසමින් මුදල් එක්රැස් කිරීම සම්බන්ධ ඕනෑම වංචනික ක්‍රියාවක් වැළැක්වීමට අවශ්‍ය පියවර ගන්නා ලෙසටයි.

එමෙන්ම විදේශ රැකියා ලබා දෙන මුවාවෙන් නීති විරෝධිව සිදු කෙරෙන මුදල් එකතු කිරීම් සම්බන්ධ විමර්ශන සිදුකිරීමට අවශ්‍ය පහසුකම් සලසන ලෙස ද ඔහු කාර්යාංශයේ ඉහළ කළමනාකාරීත්වයට දැනුම්දී තිබෙනවා.

විදේශ රැකියා ලබාදෙන බව පවසමින් අනුරාධපුරය ප්‍රදේශයේදී පොලිස් සැරයන්වරයෙකු සහ ස්වාමීන් වහන්සේ නමක් වංචනික ලෙස මුදල් එකතු කිරීමේ සිද්ධියක් සම්බන්ධයෙන් ද පැමිණිලි ලැබී ඇති බව අමාත්‍යවරයා ප්‍රකාශ කළා.

එවැනි වංචනික සිදුවීමකට මුහුණ දී ඇති ඕනෑම අයෙකුට නීතිමය ක්‍රියාමාර්ග ගැනීම සඳහා ශ්‍රී ලංකා විදේශ සේවා නියුක්ති කාර්යාංශයේ පැමිණිලි අංශයට පැමිණිලි කළ යුතු බව අමාත්‍යවරයා දැනුම් දී තිබෙනවා.

ඔස්ට්‍රේලියානු නිවාස ණය හිමියන් තවදුරටත් මූල්‍ය ආතතියට

වර්තමානයේ ඔස්ට්‍රේලියාව තුල පවතින උද්දමනය සහ ඉහල පොලී අනුපාත හේතුවෙන් බොහෝ නිවාස ණය ලබාගත් නිවාස හිමියන් දැඩි අපහසුතාවයකට පත්ව තිබෙනවා.

Read More »

විදේශිකයන්ගේ සෙවීමක් නිසා ඔස්ට්‍රේලියාවේ නගර අතරින් සිඩ්නි මුල් තැනට එයි

විදේශයන්හි සිටින පුද්ගලයින් දේපල කුලියට ගැනීමට අපේක්ෂා කරන ඔස්ට්‍රේලියානු නගර ලැයිස්තුව තුළ සිඩ්නි නගරය ඉහළට පැමිණ තිබෙනවා.

Read More »

ලොව ධනවතුන් අතර ඉහළින් ඉන්න ඉලෝන් මස්ක් ළගදීම ශ්‍රී ලංකාවට

ස්ටාර් ලින්ක් (Starlink) චන්ද්‍රිකා අන්තර්ජාල සේවාව ක්‍රියාත්මක කිරීම සඳහා මේ වසරේ ශ්‍රී ලංකාවට පැමිණෙන ලෙස ජනාධිපති රනිල් වික්‍රමසිංහ කළ ආරාධනය ඉලෝන් මස්ක් පිළිගෙන ඇති බව වාර්තා වනවා.

Read More »

පිහි අපරාධ මඩින්න ගේන්න හදන නව නීතිය

පිහි හෝ ලෝහමය තියුණු ආයුධ රැගෙන යන පුද්ගලයින් පරීක්ෂාකිරීමට අදාළව නව නීති සම්මත කර ගැනීමට ඔස්ට්‍රේලියාවේ ප්‍රාන්ත රජයන් කටයුතු සැලසුම් කරමින් ඇතැයි වාර්තා වනවා.

Read More »