සිඩ්නි සහ ගෝල්බර්න් හි සිදු කළ ත්‍රස්ත මර්දන වැටලීම්වලින් බාල වයස්කරුවන් පස් දෙනෙකු අත්අඩංගුවට ගෙන තිබෙනවා.
පසුගිය සතියේ නිරිතදිග සිඩ්නිහි සිදු වූ පිහි ඇනුමකට අදාළව ඊයේ සිඩ්නි සහ ගෝල්බර්න් හරහා සෝදිසි වරෙන්තු 13ක් ක්‍රියාත්මක කළ බවයි පොලිසිය සඳහන් කළේ.
පසුගිය සතියේ සිඩ්නි දේවස්ථානයකදී බිෂොප්වරයෙකුට සහ පූජකවරයෙකුට පිහියෙන් ඇනීමේ සිද්ධිය හේතුවෙනුයි නිව් සවුත් වේල්ස්හි ත්‍රස්ත මර්දන වැටලීම් සිදු කරනු ලබන්නේ.
වයස අවුරුදු 17 සහ 14 වයස්වල පසුවන දෙදෙනෙකුට තහනම් ද්‍රව්‍ය සන්තකයේ තබා ගැනීම හෝ පාලනය කිරීම සම්බන්ධයෙන් චෝදනා එල්ල වී තිබෙනවා.
ත්‍රස්තවාදී ක්‍රියාවක් සඳහා සූදානම් වීම හෝ සැලසුම් කිරීම, කුමන්ත්‍රණය කිරීම සහ පිහි ළඟ තබා ගැනීම යන චෝදනා අනෙක් 17 හැවිදිරි සහ 16 හැවිරිදි තිදෙනාට එල්ලවී ඇතැයි සඳහන්.
මෙහෙයුම් සඳහා නිව් සවුත් වේල්ස්හි පොලිසිය සහ ෆෙඩරල් පොලිස් නිලධාරීන් 400කට වැඩි පිරිසක් සම්බන්ධ වී තිබෙනවා.
පොලිසිය පවසා ඇත්තේ දේවස්ථානයක පිහි ඇනුම සිදු කළ බව කියන වැරදිකරුගේ සහචරයින් පිළිබඳව අඛණ්ඩව විමර්ශනය කරන බවයි.
අත්අඩංගුවට ගත් සැකකාර බාල වයස්කරුවන්ට ඇප ලබාදීම ප්‍රතික්ෂේප කර ඇති අතර අද ළමා අධිකරණයට ඉදිරිපත් කිරීමට නියමිතයි.
