ජාත්‍යන්තර ක්‍රිකට් කවුන්සිලයේ නවතම එක්දින ජාත්‍යන්තර පිතිකරණ ශ්‍රේණිගත කිරීම අනුව ශ්‍රී ලංකා කාන්තා ක්‍රිකට් නායිකා චමරි අතපත්තු පළමු ස්ථානයට පත්ව තිබෙනවා.
ඒ ඇය දකුණු අප්‍රිකාවට එරෙහිව Potchefstroom හි තුන්වන එක්දින තරගයේදී නොදැවි ලකුණු 195ක් රැස්කර ගැනීමත් සමගයි.
ඇය මේ වන විට ලබාගත් නව වන එක්දින ශතකය මෙය වන අතර එය කාන්තා එක්දින තරගාවලියකදී සාර්ථක හඹායෑමක ඉහළම ලකුණු සංඛ්‍යාවයි.
චමරි අතපත්තු, එංගලන්ත තුන් ඉරියව් ක්‍රිඩිකා නටාලි ස්කයිවර් බ්‍රන්ට් අභිබවා ඉදිරියට පැමිණ තිබීම විශේෂත්වයක්.
චමරි මේ වන විට එක්දින ජාත්‍යන්තර තරග 101 කදී ශතක 9 ක් සහ අර්ධ ශතක 16 ක් සමගින් ලකුණු 3,513 ක් රැස්කිරීමට සමත්ව සිටිනවා.
එංගලන්ත පිතිකාරී නතාලි සීවර් ප්‍රසාද ලකුණු 764 ක් ලබා දෙවැනි ස්ථානයේ ද, දකුණු අප්‍රිකානු පිතිකාරී ලයුරා වොල්වාර්ඩ්ට් ප්‍රසාද ලකුණු 718 ක් ලබා තෙවැනි ස්ථානයේ ද, පසුවන බව සදහන්.
