නවසීලන්තයේ Woolworths සුපිරි වෙළදසැල්හි කාර්ය මණ්ඩලය පාරිභෝගිකයන්ගෙන් සිදුවන හිංසන ඇතුලු ක්‍රියාවලින් ආරක්ෂා කර ගැනීම සඳහා ඇඳුමේ කැමරා පැළඳීමේ නව වැඩසටහනක් ආරම්භ කර තිබෙනවා.
මෙම කැමරා හඳුන්වාදීමේ ප්‍රධාන අරමුණ කාර්ය මණ්ඩලයට එරෙහිව සිදු වී ඇති පහරදීම් ප්‍රමාණය සියයට 75 කින් වැඩි වීමයි.
ඒ අනුව අදාළ කැමරා මෙම සතිය ඇතුලත නවසීලන්තයේ සියලුම Woolworths වෙළඳසැල් ශාඛා 191හි කාර්ය මණ්ඩලය සඳහා හඳුන්වා දෙනු ඇති.
පසුගිය වසර තුන තුළ නවසීලන්තය පුරා වූ Woolworth වෙළඳසැල්වල පහරදීම් සියයට 75 කින් සහ බරපතල පහරදීම් හා අපචාර සිදුවීම් සියයට 148 කින් ඉහළ යාමෙන් පසුව මෙම තීරණය ගෙන තිබෙනවා.
Woolworths නවසීලන්ත වෙළඳසැල් අධ්‍යක්ෂ ජේසන් ස්ටොකිල් ප්‍රකාශයක් නිකුත් කරමින් කියා සිටියේ මෙම පියවර මගින් වෙළෙඳසැල් කාර්ය මණ්ඩලයේ ආරක්ෂාව තර කළ හැකි බවයි.
මෙලෙස ආරක්ෂිත කැමරා සවි කිරීම සදහා ඩොලර් මිලියන 41ක මුදලක් වැය වන බවට ඇස්තමේන්තු ගත කර තිබෙනවා.
මෙම නව වැඩපිළිවෙළ හරහා Woolworths කාර්යමණ්ඩල සේවකයින්ට ද තම රැකියාව තුළ ආරක්ෂාවක් ගොඩ නැගෙන අතර ඔවුන් ද මෙම යෝජනාව ඇගයීමට ලක්කර ඇති බවයි වාර්තා වන්නේ.
