සිඩ්නි දේවස්ථානයේ පිහි ඇනුමේ දර්ශන ඇතුලත් වීඩියෝ ඉවත් කිරීම ප්රතික්ෂේප කිරීම සම්බන්ධයෙන් අගමැති ඇන්තනි ඇල්බනීස් ඉලොන් මස්ක්ට චෝදනා එල්ල කර තිබෙනවා.
ඊ සේෆ්ටි කොමසාරිස්වරයාගේ ඉල්ලීමට අනුව ට්විටර් සමාගම අදාළ වීඩියෝ ඉවත් නොකිරීම හේතුවෙන් ඒවා ඉවත් කරන ලෙසට ෆෙඩරල් අධිකරණය ඊයේ නියෝග කරනු ලැබුවා.
ෆෙඩරල් අධිකරණ නියෝගය අනුගමනය කිරීම ප්රතික්ෂේප කරමින් ට්විටර් ප්රධානියා අහංකාර ලෙස කටයුතු කරන බවටයි අගමැති ඇන්තනි ඇල්බනීස් පවසන්නේ.
සිඩ්නි ත්රස්ත ප්රහාරයේ අතිශයින් ප්රචණ්ඩ වීඩියෝ ඉවත් කිරීම සාමාන්ය දැනීම අනුව කළ යුතු ක්රියාවක් වන බව අගමැතිවරයා සඳහන් කළා.
ඉලොන් මස්ක් සිය පුද්ගලික ගිණුමේ අගමැතිවරයා සමච්චලයට ලක් කරමින් සත්යය සහ නිදහස යන වචන සහ වාරණය සහ ප්රචාරණය සඳහා විකල්ප මාර්ගයක් සහිත වේදිකාවක් පෙන්වන කාටූනයක් පළ කිරීමත් සමග ඇන්තනී ඇල්බනිස් මේ බව ප්රකාශ කර තිබෙනවා.
ඔස්ට්රේලියාවේ ඊ සේෆ්ටි කොමසාරිස්වරයා විසින් මීට පෙර අදාළ වීඩියෝ ඉවත් කරන ලෙසට ට්විටර් සමාගමෙන් ඉල්ලා සිටි අතර සමාගමේ හිමිකරු වන ඉලෝන් මස්ක් එය ප්රතික්ෂේප කර තිබුණේ ඔහුට එවැනි ඉල්ලීමක් සිදු කිරීමට බලයක් නොමැති බව පවසමින්.
ප්රහාරයෙන් පසුව අදාළ වීඩියෝ ඉවත් කිරීමට Google, Microsoft, Snap සහ TikTok ඇතුළු සමාජ මාධ්ය සමාගම් සහයෝගයෙන් කටයුතු කළ බව කොමසාරිස්වරයා ප්රකාශ කළා.