ශ්‍රී ලංකන් මිලදී ගන්න ධම්මික පෙරේරාත් කැමැත්ත දෙයි

ශ්‍රී ලංකන් ගුවන් සේවය මිල දී ගැනීම සඳහා කැමැත්ත පළ කර ඇති ආයෝජකයින් 6 දෙනෙකුගේ නම් අනාවරණය කර තිබෙනවා.

මුදල් හා ආරථික ස්ථායිකරණ අමාත්‍යංශය නිවේදනය කළේ ශ්‍රීලංකන් ගුවන් සේවය මිල දී ගැනීමට කැමැත්ත පළ කර ඇති ආයතන අතරට මෙරට සුප්‍රසිද්ධ ව්‍යාපාරිකයෙකු වන ධම්මික පෙරේරාගේ හේලීස් පී එල් සී (Hayleys PLC) ආයතනය ද ඇතුළත් බවයි.

2023 දෙසැම්බර් 31 දින වන විට Hayleys PLC හි කොටස් ප්‍රාග්ධනයෙන් සියයට 51.01ක හිමිකාරීත්වය ධම්මික පෙරේරාට හිමියි.

ඊට අමතරව, AirAsia Consulting Sdn. Bhd., Dharshaan Elite lnvestment Holding (Pvt) Ltd, FITS Aviation (Private) Limited, Sherisha Technologies Private Limited, Treasure Republic Guardians Limited යන ආයතනද ඒ සඳහා කැමැත්ත පළ කර ඇති තිබෙනවා.

2023 වසරේ ඔක්තෝබර් 31 වනදා ජාත්‍යන්තර සහ දේශීය මාධ්‍ය හරහා ශ්‍රී ලංකා රජය, මුදල් අමාත්‍යාංශය හරහා ශ්‍රී ලංකන් එයාර්ලයින්ස් ලිමිටඩ් හි කොටස් අත්පත් කර ගැනීම සඳහා ආයෝජකයින්ගෙන් සුදුසුකම් ඉල්ලා සිටියා.

ඊට අදාළ යෝජනා ඉදිරිපත් කිරීමේ අවසාන දිනය ඊයේ පස්වරු 2 න් අවසන් වූ අතර ලැබුණු ඉල්ලීම් විශේෂ කැබිනට් මණ්ඩලය විසින් පත් කරන ලද සාකච්ඡා කමිටුව විසින් සලකා බැලීමට නියමිතයි.

2023 වසරේ ජූලි මාසයේදී අමාත්‍ය මණ්ඩලය විසින් අනුමත කරන ලද රාජ්‍ය සතු ව්‍යවසායන් බෙදා හැරීම පිළිබඳ විශේෂ මාර්ගෝපදේශයන්ට අනුව ඒවා ඇගයීමට ලක් කෙරෙනු ඇති.

ඔස්ට්‍රේලියාවේ ඉන්න ජාත්‍යන්තර සිසුන් සංඛ්‍යාව ගැන අලුත්ම අනාවරණයක්

මෙම වසරේ මාර්තු මාසය වන විට ඔස්ට්‍රේලියාවේ අධ්‍යාපනය හැදෑරීමට පැමිණි ජාත්‍යන්තර සිසුන් සංඛ්‍යාව 741,224 බව අධ්‍යාපන දෙපාර්තමේන්තුවේ නවතම වාර්තා මගින් අනාවරණ වී තිබෙනවා.

Read More »

ඔස්ට්‍රේලියානු දෙමාපියන්ගේ වැරදි වැඩක් ගැන සමීක්ෂණයක් තොරතුරු හෙළි කරයි

වෙනත් ඉහළ ආදායම් ලබන රටවල දෙමාපියන්ට සාපේක්ෂව ඔස්ට්‍රේලියානු දෙමාපියන් තම දරුවන්ට පහර දීම වැඩි බව නව අධ්‍යයනයකින් අනාවරණ වී තිබෙනවා.

Read More »

මදුරුවන්ගෙන් බෝවන රෝගයකට ඔස්ට්‍රේලියානු විද්‍යාඥයින් නව එන්නතක් සොයයි

මදුරුවන්ගෙන් බෝවන ජැපනීස් එන්සපලයිටීස් (Japanese encephalitis) වෛරසයට ප්‍රතික්‍රියා කිරීම සඳහා නව එන්නතක් අවශ්‍ය බව ඔස්ට්‍රේලියානු විද්‍යාඥයින් පිරිසක් පවසනවා.

Read More »

හිටපු ක්‍රිකට් ප්‍රවීණයාගේ නමට වෙන් වූ ක්‍රීඩාංගණයේ නම වෙනස් වෙයි

හිටපු ක්‍රිකට් ක්‍රීඩක මයිකල් ස්ලේටර්ගේ නමින් නම් කර ඇති Michael Slater Oval ක්‍රීඩාංගනයෙන් එම නම ඉවත් කිරීමට තීරණය කර තිබෙනවා.

Read More »