ශ්රී ලංකාවේ ආර්ථික අගහිඟකම් හේතුවෙන් 2565365 දෙනකු පසුගිය වසර දෙකේ දී රට හැර ගොස් ඇතැයි ශ්රී ලංකා මහ බැංකුවේ වාර්තා මගින් අනාවරණ වීතිබෙනවා.
මේ අනුව 2022 වසරේදී 1,127,758 දෙනෙකු සහ පසුගිය 2023 වසරේදී 1,437,607 දෙනෙකු වීදේශගතව ඇති බවයි පැවසෙන්නේ.
මෙම පිරිස අතරින් විදේශ රැකියා සඳහා ගොස් ඇති සංඛ්යාව 608925ක් වන අතර එය විදේශවලට ගොස් ඇති මුළු සංඛ්යාවෙන් සියයට 24ක පමණ ප්රතිශතයක්.
2022 වසරේදී 311,269ක් ද පසුගිය 2023 වසරේදී 297656 දෙනෙකු ද විදේශ රැකියා සඳහා පිටව ගොස් තිබෙනවා.
2023 වර්ෂයේදී විදේශ රැකියා සඳහා පිටව ගිය අයගෙන් සියයට හැත්තෑවක් පමණ වෘත්තීය වශයෙන් ඉහළ සුදුසුකම් සහිත ඉංජිනේරුවරුන්, වෛද්යවරුන්, නීතිඥවරුන්, ගණකාධිකාරීවරුන් ඇතුළු පිරිස් බවයි පේරාදෙණිය විශ්ව විද්යාලයේ ආර්ථික විද්යා හා සංඛ්යාන අධ්යයනාංශයේ මහාචාර්ය වසන්ත අතුකෝරළ කියාසිටියේ.
2023 වසරේ විදේශ රැකියා සඳහා ගිය අය අතුරින් සියයට 34ක් වයස 25ත් 34ත් අතර තරුණය කණ්ඩායම් බවද ඔහු පෙන්වා දෙනවා.
පසුගිය වසර දෙකේදී විදේශ රැකියා සඳහා ගිය පිරිසෙන් සියයට 55ක් පිරිමි පුද්ගලයන් වන අතර සියයට 45ක් ගැහැනු අය බව සඳහන්.
මේ අතර ආගමන විගමන දෙපාර්තමේන්තුව පසුගිය වසර දෙකේදී නිකුත් කර ඇති විදේශ ගමන් බලපත්ර සංඛ්යාව 1,824,470ක් වනවා.
ආර්ථික අගහිඟකම් සහ අපේක්ෂා භංගත්වය වැනි කරුණු හේතුවෙන් මෙම පිරිස මෙලෙස විදේශවලට ගොස් ඇති බවට තොරතුරු අනාවරණයවී ඇතැයි මහාචාර්යවරයා ප්රකාශ කළා.