ලොව මිල අධිකම විදේශ ගමන් බලපත්‍රය හිමි රටවල් අතර මුල් තැනට මෙක්සිකෝව පත්ව තිබෙනවා.
මෙක්සිකෝව රටවල් 162කට වීසා රහිත ගමන් පහසුකම් සපයන අතර වසර 10ක සිට ලොව මිල අධිකම විදේශ ගමන් බලපත්‍රය වශයෙන් සැලකෙන්නේ එරට ගමන් බලපත්‍රයයි.
ඔස්ට්‍රේලියා විදේශ ගමන් බලපත්‍රය ලොව මිල අධිකම විදේශ ගමන් බලපත්‍ර අතර දෙවන ස්ථානය හිමිකරගෙන තිබෙනවා.
එමෙන්ම මෙම වසරේ ජූලි මාසයේ සිට මෙරට විදේශ ගමන් බලපත්‍රයක් සඳහා ඩොලර් 346ක මිලක් වැය වන බව සඳහන්.
මෙම මිල ඉහළ යාම සියයට 15ක මිල වැඩිවීමක් බවයි පැවසෙන්නේ.
ඇමරිකා එක්සත් ජනපද විදේශ ගමන් බලපත්‍රය ලොව මිල අධිකතම ගමන් බලපත්‍ර ශ්‍රේණිගත කිරීමේ 3වන ස්ථානයට පත්ව ඇති අතර එය රටවල් 189කට වීසා රහිතව ඇතුළු වීමට ඉඩ සලසනවා.
නවසීලන්ත විදේශ ගමන් බලපත්‍රය 5වන ස්ථානයත්, ඉතාලි විදේශ ගමන් බලපත්‍රය මිල අධිතකම ශ්‍රේණිගත කිරීමේ 6වන ස්ථානයත් හිමි කරගෙන තිබෙනවා.
එම ශ්‍රේණිගත කිරීමෙන් කැනඩාවට 7 වන ස්ථානයත්, බ්‍රිතාන්‍යයට 8 වන ස්ථානයත් හිමිව ඇති බවයි හඳුනාගෙන ඇත්තේ.
