ඉරානයේ න්යෂ්ටික බලාගාර කිහිපයක්ම ඇති නගරයකට ඊශ්රායලය විසින් මිසයිල ප්රහාරයක් එල්ලකර ඇති බව විදෙස් මාධ්ය වාර්තා කර තිබෙනවා.
මිසයිල සහ නියමුවන් රහිත ඩ්රෝන යොදා ගනිමින් ඉරානය, ඊශ්රායලයට පසුගියදා සිදු කළ ප්රහාරයට ප්රතිචාර ලෙස මෙම ප්රහාරය එල්ල කර ඇති බවයි පැවසෙන්නේ.
ඉරාන රාජ්ය මාධ්ය අංශ ප්රකාශ කර ඇත්තේ මධ්යම ඉරානයේ ඉස්ෆහාන් ළාත ඉලක්ක කර ප්රහාර එල්ලකර ඇති බවයි.
මෙම ප්රහාරයත් සමග ඉරානයේ අභ්යන්තර ගුවන් ගමන් ද තාවකාලිකව අත්හිටුවා ඇති අතර ඩ්රෝන යානා තුනක් තම ආරක්ෂක අංශ විසින් විනාශ කළ බව ඉරාන බලධාරීන් ප්රකාශ කර තිබෙනවා.
මීට සති කිහිපයකට පෙර ලෙබනනයේ පිහිටි ඉරාන කොන්සල් කාර්යාලයට ඊශ්රායල ප්රහාරයක් එල්ල වූ අතර ඉන් හමුදා ප්රධානීන් ඇතුළු 13 දෙනෙකු ජීවිතක්ෂයට පත් වුණා.
ඊට ප්රතිචාර ලෙස ඉරානය විසින් පසුගිය සෙනසුරාදා ඊශ්රායලයට ඩ්රෝන සහ මිසයිල ප්රහාර 300ක් පමණ එල්ල කළ අතර අද (19) ප්රහාරය එල්ලකර ඇත්තේ ඊට ප්රතිචාර වශයෙන්.
