රුසියාවේ ආක්‍රමණයට එරෙහිව ඔස්ට්‍රේලියාවෙන් යුක්රේනයට සහනයක්

රුසියාව විසින් යුක්‍රේනය ආක්‍රමණය කිරීමට විරෝධය දැක්වීමේ පියවරක් ලෙස ඔස්ට්‍රේලියානු රජය යුක්රේන භාණ්ඩ සඳහා තීරු බදු සහන දීර්ඝ කිරීමට තීරණය කර තිබෙනවා.

භාණ්ඩාගාරික ජිම් චාමර්ස් අද වොෂින්ටන්හිදී යුක්රේන බලධාරීන් සමඟ කළ සාකච්ඡාවකින් පසුවයි මෙම පියවර නිවේදනය කළේ.

මේ අනුව යුක්රේනයේ නිෂ්පාදනය කරන භාණ්ඩ සඳහා තීරුබදු නිදහස් කිරීම 2026 වසරේ ජුලි මාසය දක්වා වසර දෙකක් සඳහා දීර්ඝ කෙරෙනු ඇති.

මෙම සහනය යටතේ යුක්රේන භාණ්ඩ සඳහා සියයට 5ක්ව පැවති තීරු බදු සියයට් බිංදුවක් දක්වා කපා හැරෙනවා.

භාණ්ඩාගාරික ජිම් චාමර්ස් යුක්රේනයේ මුදල් ඇමති සර්ජි මාර්චෙන්කෝ හමුවේ පැවසුවේ මෙම තීරුබදු සහනය ඔස්ට්‍රේලියාව යුක්‍රේනයට අඛණ්ඩව දක්වන සහයෝගය ප්‍රදර්ශනය කිරීමක් බවයි.

යුක්රේනයේ සන්නද්ධ හමුදාවන්ට ලබා දෙන ඩොලර් මිලියන 780ක මිලිටරි ආධාර ද ඇතුළුව ඔස්ට්‍රේලියාව යුක්රේනයට ලබාදෙන සමස්ත සහය ඩොලර් මිලියන 960ක් පමණ වනවා.

ෆෙඩරල් රජය පවසන්නේ රුසියානු ආක්‍රමණය හමුවේ සටන් කරන යුක්රේනයේ ආර්ථිකයට සහ ජාත්‍යන්තර වෙළඳාමට සහය දැක්වීමට කැපවී සිටින බවයි.

ආසියානු රටක පුද්ගලයෙක් මෙල්බන්හිදී කාන්තාවක් සහ දරුවෙක් පැහැර ගනී

මෙල්බර්න්හි රෝවිල් ප්‍රදේශයේ (Rowville) සාප්පු මධ්‍යස්ථානයක් අසලදී කාන්තාවක් සහ ඇයගේ කුඩා දියණිය පැහැරගෙන යාමේ සිදුවීමක් සම්බන්ධයෙන් පොලිස් පරීක්ෂණ ආරම්භ වී තිබෙනවා.

Read More »

අගමැති එක්වූ මෙල්බන් සමුලුවකට පලස්තීන හිතවාදී විරෝධතාකරුවන් කඩාවදී

අගමැති ඇන්තනි ඇල්බනීස් සහභාගී වූ මෙල්බර්න්හි කම්කරු පක්ෂ සමුළුවකට පලස්තීන හිතවාදී පෙලපාලිකරුවන් කඩා වැදී තිබෙනවා.

Read More »

වික්ටෝරියා ප්‍රාන්තයේ මාරක රිය අනතුරුවලට හේතුව හෙළිවෙයි

පැය පහකට අඩු කාලයක් නිදාගන්නා රියදුරන් රිය අනතුරුවලට පත්වීමේ සම්භාවිතාව හතර ගුණයකින් වැඩි බව නව අධ්‍යයනයකින් හෙළි වී තිබෙනවා.

Read More »