මෙල්බර්න්හි ගිනිකොණ දිග ප්රදේශයේ තරුණ පිරිස් සදහා ආයුධ අලෙවි කළ බවට කියන පුද්ගලයෙකු පොලිසිය විසින් අත් අඩංගුවට ගෙන තිබෙනවා.
52 හැවිරිදි සැකකරු චෝදනා 150කට වරදකරු වී ඇති අතර ඔහු අත් අඩංගුවට ගන්නා අවස්ථාවේ දී නීතිවිරෝධී ආයුධ 400කට වැඩි ප්රමාණයක් ද සොයාගෙන ඇති බවයි වාර්තා වන්නේ.
තුවක්කු, පිහි, පොරෝ, කඩු ඇතුළු ආයුධ රැසක් ඒ අතර වනවා.
නීතිවිරෝධී දුම්වැටි පෙට්ටි 111ක් , අයිස් සහ ගංජා ද වැඩිදුර සෝදිසි කිරීම්වලදී සොයාගත් බවයි පොලිසිය පවසන්නේ.
ඩොලර් 461,000ක් වටිනා ඊ දුම්වැටි තොගයක් ද සොයාගෙන ඇති අතර තහනම් ආයුධ සන්තකයේ තබා ගැනීමේ චෝදනා 97ක් ඇතුලු තවත් චෝදනා රැසකට ඔහු වරදකරු වී තිබෙනවා.
මෙල්බන්හි විවිධ නිති විරෝධී කටයුතු සඳහා සහභාගී වන තරුණ කල්ලි සදහා මෙම ආයුධ අලෙවි කර ඇති බවට මූලික විමර්ශනවලදී තහවුරු වී ඇති අතර පොලිසිය එම තරුණ කල්ලි සොයා විමර්ශන ආරම්භ කර ඇති බව ද සඳහන්.
තවද මෙහෙයුම් අතරතුර තරුණ කල්ලි සාමාජිකයින් 387 දෙනෙකු පිළිබඳ තොරතුරු අනාවරණ වී ඇති අතර ඔවුන් සම්බන්ධයෙන් වික්ටෝරියා පොලිසිය විමර්ශන සිදු කරනවා.
අත්අඩංගුවට ගත් සැකකරු ලබන ජූලි 16 වනදා ඩැන්ඩෙනොං මහේස්ත්රාත් අධිකරණයට ඉදිරිපත් කිරීමට නියමිතයි.