මෙල්බන්හි තරුණයන්ට තහනම් ආයුධ ලැබෙන හැටි හෙළිවෙයි

මෙල්බර්න්හි ගිනිකොණ දිග ප්‍රදේශයේ තරුණ පිරිස් සදහා ආයුධ අලෙවි කළ බවට කියන පුද්ගලයෙකු පොලිසිය විසින් අත් අඩංගුවට ගෙන තිබෙනවා.

52 හැවිරිදි සැකකරු චෝදනා 150කට වරදකරු වී ඇති අතර ඔහු අත් අඩංගුවට ගන්නා අවස්ථාවේ දී නීතිවිරෝධී ආයුධ 400කට වැඩි ප්‍රමාණයක් ද සොයාගෙන ඇති බවයි වාර්තා වන්නේ.

තුවක්කු, පිහි, පොරෝ, කඩු ඇතුළු ආයුධ රැසක් ඒ අතර වනවා.

නීතිවිරෝධී දුම්වැටි පෙට්ටි 111ක් , අයිස් සහ ගංජා ද වැඩිදුර සෝදිසි කිරීම්වලදී සොයාගත් බවයි පොලිසිය පවසන්නේ.

ඩොලර් 461,000ක් වටිනා ඊ දුම්වැටි තොගයක් ද සොයාගෙන ඇති අතර තහනම් ආයුධ සන්තකයේ තබා ගැනීමේ චෝදනා 97ක් ඇතුලු තවත් චෝදනා රැසකට ඔහු වරදකරු වී තිබෙනවා.

මෙල්බන්හි විවිධ නිති විරෝධී කටයුතු සඳහා සහභාගී වන තරුණ කල්ලි සදහා මෙම ආයුධ අලෙවි කර ඇති බවට මූලික විමර්ශනවලදී තහවුරු වී ඇති අතර පොලිසිය එම තරුණ කල්ලි සොයා විමර්ශන ආරම්භ කර ඇති බව ද සඳහන්.

තවද මෙහෙයුම් අතරතුර තරුණ කල්ලි සාමාජිකයින් 387 දෙනෙකු පිළිබඳ තොරතුරු අනාවරණ වී ඇති අතර ඔවුන් සම්බන්ධයෙන් වික්ටෝරියා පොලිසිය විමර්ශන සිදු කරනවා.

අත්අඩංගුවට ගත් සැකකරු ලබන ජූලි 16 වනදා ඩැන්ඩෙනොං මහේස්ත්‍රාත් අධිකරණයට ඉදිරිපත් කිරීමට නියමිතයි.

වෙසක් පොහොය දින වෙනුවෙන් සැමරුම් රැසක් නිව් සවුත්වේල්ස් ප්‍රාන්තයට භූ චලනයක් වික්ටෝරියා ප්‍රාන්තයෙන් හමුවූ කුරුළු උණ වෛරසය ගැන විශේෂ දැනුම්දීමක් ඔස්ට්‍රේලියාව තුළ රිය පැදවීමේදී ආහාර ගැනීමට ඇති නීතිමය අවසරය ගැන පැහැදිළි කිරීමක් ගෘහාශ්‍රිත සුරතල් සතුන් ගණන මිලියන 28ත් ඉක්මවා යයි

Read More »

වික්ටෝරියා ප්‍රාන්තයෙන් ඊයේ හමුවූ කුරුළු උණ ගැන අද විශේෂ දැනුම්දීමක්

ලෝකය පුරා පැතිර යන කුරුළු උණ වෛරසයට වඩා වික්ටෝරියා ප්‍රාන්තයෙන් හමුවී ඇති වෛරසයෙන් මහජනතාවට ඇති අවදානම අඩු බව නවතම සමික්ෂණ මගින් අනාවරණ වී තිබෙනවා.

Read More »

මැතිවරණ ප්‍රචාරක රැළියක වේදිකාවක් කඩා වැටී 9ක් ජීවිතක්ෂයට

උතුරු මෙක්සිකෝවේ මැතිවරණ ප්‍රචාරක රැලියක වේදිකාවක් කඩා වැටීමෙන් සිදු වූ අනතුරකින් පුද්ගලයන් 9 දෙනෙකු ජීවිතක්ෂයට පත්වී තිබෙනවා.

Read More »

සිංගප්පූරු ගුවන් යානයේ කැළඹීම ගැන ඇඩිලේඩ් යුවළක් විස්තර කරයි

සිංගප්පූරු ගුවන් සේවයේ යානයක් ඉහළ අහසේදී කැළඹීමකට හසුවීමේ අනතුර සිදුවූ අවස්ථාවේ එහි සිටි ඇඩිලේඩ් පදිංචි යුවළක් සිය අත්දැකීම් මෙන්ම එම අවස්ථාවේ දැනුණු හැඟීම් පිළිබඳ විස්තර කර තිබෙනවා.

Read More »