ලොව ජනප්‍රිය සමාගමක ලොකු පුටුවකට මෙල්බන්හි උපාධිය හැදෑරූ ශ්‍රී ලාංකික කාන්තාවක්

Coca-Cola සමාගමේ ශ්‍රී ලංකාව සහ මාලදිවයින සඳහා නව අධ්‍යක්ෂවරිය ලෙස (Country Director Sri Lanka & Maldives) ශ්‍රී ලාංකිකයෙක් වන කෞෂාලි කුසුමපාල පත් කර ඇති බව එම සමාගම නිවේදනය කර තිබෙනවා.

ඒ අනුව 2019 වසරේ සිට එම ධුරයේ කටයුතු කළ ඉන්දියාවේ පන්කජ් සිංහාගෙන් පසු කෞෂාලි සිය භූමිකාව ආරම්භ කර ඇති බවයි සඳහන් වන්නේ.

2024 අප්‍රේල් 1 වනදා සිට බලපැවැත්වෙන පරිදි Coca-Cola සමාගම විසින් කළ මෙම පත්වීමේ විශේෂත්වය වන්නේ, සමාගමේ එම තනතුරට ශ්‍රී ලාංකික කාන්තාවක් පත්කළ පළමු අවස්ථාව මෙය වීමයි.

කෞෂාලි කුසුමපාල 2009 වසරේ සිට ලියෝ බර්නෙට්, ෆොන්ටෙරා ඩේරි සහ ඩොමිනෝස් පීසා වැනි සංවිධාන සහ සන්නාම සමඟ සේවය කර විවිධ අත්දැකීම් ලැබූ අයෙක්.

එමෙන්ම හේමාස් ඉන්ටර්නැෂනල් හි අලෙවිකරණ අධ්‍යක්ෂවරිය ලෙස සේවය කළ ඇය වෙළඳපල ප්‍රවේශ උපාය මාර්ග, ජාත්‍යන්තර වෙළඳපල සංවර්ධනය සහ පුරෝගාමී අලෙවිකරණ මුලපිරීම් සඳහා දායක වී තිබෙනවා.

සිය පත්වීම පිළිබඳව සතුට පළ කරමින් කෞෂාලි පැවසුවේ, කොකාකෝලා සමඟින් මෙම ගමන ආරම්භ කිරීමට ලැබීමත්, Coca-Cola Beverages Sri Lanka සහ Male’ Aerated Water Company සහ අනෙකුත් පාර්ශ්වකරුවන් සමඟ සහයෝගීව කටයුතු කිරීමට ලැබීම ගැනත් සතුටට පත්වන බවයි.

කෞෂාලි මෙල්බර්න් විශ්වවිද්‍යාලයේ උපාධිධාරිනියක් වන අතර එහිදී ඇය වාණිජවේදී උපාධිය ලබා ගෙන තිබෙනවා.

එමෙන්ම ප්‍රකට සන්නාම රැසක් සමඟ කැපී පෙනෙන වෘත්තීය සාර්ථකත්වයකට හිමිකම් කියන ඇය ක්ෂේත්‍රයේ දක්වා ඇති විශිෂ්ටත්වය උදෙසා කිහිප අවස්ථාවකදී ම සම්මානයෙන් පිදුම් ලැබූ අයෙක් ද වීම ද විශේෂත්වයක්.

ඊශ්‍රායල අගමැති සහ හමාස් නායකයා අත්අඩංගුවට ගැනීමට වරෙන්තු

ඊශ්‍රායල අගමැති බෙන්ජමින් නෙතන්යාහු සහ හමාස් නායක යාහියා සින්වාර් සහ අත්අඩංගුවට ගැනීමට ජාත්‍යන්තර අපරාධ අධිකරණය වරෙන්තු ඉල්ලා සිටින බව අධිකරණයේ ප්‍රධාන අභිචෝදක කරීම් ඛාන් පවසනවා.

Read More »

ඩිලන්ත මාලගමුවට ඉතාලියේදී ජයග්‍රහණයක්

ඉතාලියේ මිසානෝ ජාත්‍යන්තර මෝටර් රථ ධාවන පථයේ ඊයේ (19) පැවැති යුරෝපියානු GT4 මෝටර් රථ ධාවන තරගයේ දෙවෙනි ස්ථානය දිනාගැනීමට ශ්‍රී ලංකාවේ ප්‍රවීන මෝටර් රථ ධාවන ශූර ඩිලන්ත මාලගමුවට හැකියාව ලැබුණා.

Read More »

ව්‍යායාම් කරන්න ඔස්ට්‍රේලියානුවන්ට වැඩි කැමැත්තක් ඇති වෙයි

සෑම ඔස්ට්‍රේලියානුවන් 4 දෙනෙකුගෙන් එක් අයෙක් ප්‍රමාණවත් ව්‍යායාම් රටාවකට හුරුව ඇති බව නවතම දත්ත මගින් හෙළිව තිබෙනවා.

Read More »

ඩොලර් මිලියනයකට අධික මත්ද්‍රව්‍ය තොගයක් මෙල්බන් වෑන් රියකින් මතුවෙයි

මෙල්බර්න් හි වයඹ ප්‍රදේශයේදී වෑන් රථයක තිබී ඩොලර් මිලියනයකට අධික මුදලක් සහ අයිස් මත්ද්‍රව්‍ය කිලෝ 30ක් පොලිසිය සොයා ගෙන තිබෙනවා.

Read More »