සිඩ්නි දේවස්ථානයකත් පිහි ඇනුමක් – පූජකවරයෙක් ඇතුලු 4කට තුවාල

බටහිර සිඩ්නිහි දේවස්ථානයක දේව මෙහෙයක් අතරතුර සිදු වූ පිහි ඇනුමකින් පුද්ගලයින් කිහිප දෙනෙකු තුවාල ලබා තිබෙනවා.

ආගමික නායකයෙකු ඇතුලු 4 දෙනෙකු පමණ තුවාල ලබා රෝහල් ගත කර ඇති බවයි වාර්තා වන්නේ.

අද රාත්‍රි වේක්ලි ප්‍රදේශයේ ක්‍රයිස්ට් ද ගුඩ් ෂෙපර්ඩ් දේවස්ථානයේදී මෙම ප්‍රහාරය සිදුව ඇත්තේ බිෂොප්වරයෙකු විසින් අන්තර්ජාලය ඔස්සේ සජීවීව දේව මෙහෙයක් සිදු කරමින් සිටි අවස්ථාවේදී යි.

තුවාල ලැබූවන් අතර වයස අවුරුදු 60, 50, 30 සහ 20 යන වයස්වල පසුවන පිරිමි පුද්ගලයන් වන බවටයි මූලික විමර්ශනවලදී අනාවරණ වී ඇත්තේ.

දේශනය පවත්වනු ලබන අති උතුම් මාරි එම්මානුවෙල් රදගුරු හිමිපාණන් ජනප්‍රිය වුව ද ඕතඩොක්ස් ප්‍රජාව අතර පවතින්නේ මතබේධාත්මක තත්වයක්.

2021 ජුනි මාසයේ කොරෝනා වෛරස් ව්‍යාප්ති සමයේ රට අගුලු දැමීම, ගමන් බිමන් සීමා කිරීම සහ එන්නත් විධාන විවේචනය කිරීම හේතුවෙන් උන් වහන්සේ පිළිබඳ වැඩි අවධානයක් යොමු ව වුණා.

නිව් සවුත්වේල්ස් පොලිසිය සඳහන් කළේ පිහි ඇනුම පිළිබඳ ලැබුණු තොරතුරු මත එම ස්ථානයට ගොස් එක් පුද්ගලයෙකු අත්අඩංගුවට ගත් බවයි.

සිද්ධිය වූ ස්ථානයේ සිටි පුද්ගලයෙකු මෙලෙස පොලිසිය විසින් අත්අඩංගුවට ගෙන ඇති අතර ඔහුගෙන් ප්‍රශ්න කිරීම් සිදු කෙරෙන බව සඳහන්.

කෙසේවෙතත් අත්අඩංගුවට ගෙන ඇත්තේ පිහි ඇනුම සිදු කළ පුද්ගලයා ද යන්න නිශ්චිතව අනාවරණ වී නැහැ.

ඔස්ට්‍රේලියාවේ ඉන්න ජාත්‍යන්තර සිසුන් සංඛ්‍යාව ගැන අලුත්ම අනාවරණයක්

මෙම වසරේ මාර්තු මාසය වන විට ඔස්ට්‍රේලියාවේ අධ්‍යාපනය හැදෑරීමට පැමිණි ජාත්‍යන්තර සිසුන් සංඛ්‍යාව 741,224 බව අධ්‍යාපන දෙපාර්තමේන්තුවේ නවතම වාර්තා මගින් අනාවරණ වී තිබෙනවා.

Read More »

ඔස්ට්‍රේලියානු දෙමාපියන්ගේ වැරදි වැඩක් ගැන සමීක්ෂණයක් තොරතුරු හෙළි කරයි

වෙනත් ඉහළ ආදායම් ලබන රටවල දෙමාපියන්ට සාපේක්ෂව ඔස්ට්‍රේලියානු දෙමාපියන් තම දරුවන්ට පහර දීම වැඩි බව නව අධ්‍යයනයකින් අනාවරණ වී තිබෙනවා.

Read More »

මදුරුවන්ගෙන් බෝවන රෝගයකට ඔස්ට්‍රේලියානු විද්‍යාඥයින් නව එන්නතක් සොයයි

මදුරුවන්ගෙන් බෝවන ජැපනීස් එන්සපලයිටීස් (Japanese encephalitis) වෛරසයට ප්‍රතික්‍රියා කිරීම සඳහා නව එන්නතක් අවශ්‍ය බව ඔස්ට්‍රේලියානු විද්‍යාඥයින් පිරිසක් පවසනවා.

Read More »

හිටපු ක්‍රිකට් ප්‍රවීණයාගේ නමට වෙන් වූ ක්‍රීඩාංගණයේ නම වෙනස් වෙයි

හිටපු ක්‍රිකට් ක්‍රීඩක මයිකල් ස්ලේටර්ගේ නමින් නම් කර ඇති Michael Slater Oval ක්‍රීඩාංගනයෙන් එම නම ඉවත් කිරීමට තීරණය කර තිබෙනවා.

Read More »